حرك هجوسي شاعرن ماعليه اجدال
 

‏حرك هجوسي شاعرن ماعليه جدال
يصوغ القوافي صح ميئه على ميىه

نجم القصيد وملبس المفرده سربال
بحرن تضيع السفن داخل موانيّه

تقول الرسايل جتك في معجم الاقوال
علومن تجمع من سجلات وهميه

وانااقول ياشفت الجمل ساقه الجمال
جنّب طريقه وابتعد عن مواطيّه

واذنيك سكرها عن القيل هو و القال
اترك هزيل الهرج مالك بمخفيّه

ياكثر الرسايل والسواليف والامثال
شين صحيح وشي منها على الخيّه

لكن الياجاك الردي يزعج الموال
قله تودّر لاتسمّع حكاويّيه

الحكي سمعه ساطين صارمن كتال
والزجر طب اللي خباثن مساعيّه

راع النقيلي مهنته يحمل الاثقال
سعيه خبيث ويلحق الكيّه الكيّه

اترك هروجه لا تلقّي لهرجه بال
سمع العلوم العوج ماهي ضروريه

ابعدعن اللي في عراض البشرشغال
ناسن بنقل العرج والعور مبليه

قادات هزل الهرج من ماضي الاجيال
ناسن بشين الهرج تملا مخابيه

مندون تجار الفتن سكّر الاقفال
واسلم من اللي يلحق السيّة السيّه

اللي لهزل الهرج يرخص كثير المال
وعند اللوازم مادفع نصف ربيّه

الطايله مثل الفرس تعرف الخيّال
مايدركه كود الرجال الشقرديّه

تبغا مثل هداج تضرب به الامثال
خل الرسوس اللي قصارن مغانيّه

والحر دايم منزله في رفيع الجال
والتبع صيده بس جرذي وحنديّه

مشعل عسام الغافل التريباني الشمري في 25/3/1441هجري

يسلّم منطوقك شاعرنا العذب
إلهي يسعدك دومات يّ مبدع
~

ابدعت وتفننت صح فكرك وبوحك سلمت ودمت

مشعل التريباني



لاتحرمنا جديدك

الطايله مثل الفرس تعرف الخيّال
مايدركه كود الرجال الشقرديّه

تبغا مثل هداج تضرب به الامثال
خل الرسوس اللي قصارن مغانيّه

التريباني ماقصرت يالعزوه موفق

اخواني الافاضل
اخواتي الفاضلات
شكرالكم جميعا علي المرور. الاطرى لاهنتو

[quote=مشعل التريباني;1733897]‏
حرك هجوسي شاعرن ماعليه جدال
يصوغ القوافي صح ميَّه على ميَه

نجم القصيد وملبس المفرده سربال
بحرن تضيع السفن داخل موانيّه

تقول الرسايل جتك في معجم الاقوال
علومن تجمع من سجلات وهميه

وانااقول ياشفت الجمل ساقه الجمال
جنّب طريقه وابتعد عن مواطيّه

صح بدنك لاهنت شاعرنا الغالي ابوطنا