|
ابـن عــبـيــكـه وديــون الطــوب
بسم الله الرحمن الرحيم دائما تجد الكريم من الناس قليل المال في اغلب الاحيان وذلك لكونه يصرف منه الكثير ان لم يكن كله على ضيوفه وفعل الخير من خلاله عكس البخيل اللي مايهمه غير بطنه لذلك قال ابن جلعود العنزي:
نوبن يـبـدل ربـنا الـعـسـر بـيـسـور=ونوبن ندنـق عـن رفـيـقن يجـيـنا ونوبن يـمر بـك الرجـل تـقل مجدور=مـن القـل مانـقوى على طبختـينا ونوبن خـروفـن للمـشـاكـيل مجزور=وصـيـنـيـتـن تـنـقـل على محترينا وصيـتـن خـذهـا الى نـفـخـة الصـور=الـشح مايـودع ضـعـيـفــن سـمينا والمال مايـدفـن مـع الـنـاس بـقـبـور=ولايـنـفـد الامــوال مــد الـيـديـنــا وماقـدمـت يـمـنـاك قـدام لـك نـــور=واللـي تـخــلف فــرض للــوارثـيـنـا والقصيده اطول من ذلك00 وعبدالكريم بن عبيكه راعي قنا رحمه الله معروف بالكرم والصخى واجتمع عليه دين كثير للتاجر الطوب وخاف ابن عبيكه ان يشتكيه الطوب على امير حايل ابن مساعد والذي كان في اول سنوات امارته وكان صارما جدا 000 فأضطر ابن عبيكه الى مغادرة ديرته متجها للجوف (( الجوبه )) عند شخص مكرم اسمه (حامد)00 وعندما طالت غربته اشتاق لاهله وجماعته فقال :
راكبن من عندنا فـوق منجوبـي=وافي(ن) بالشبر مع زين مركوبـه ياعميلي يـوم اوصفـه منجوبـي=مثل مشي البـنـت لاجاز لـه ثوبـه اركبه لاهفـت الشمـس بغـيوبـي=من مـناخـة حـامدن راعـي الجوبـه ود عبـدالله والاخـوان مكتـوبـي=عقبهـم عيـني عـن النـوم محجـوبـه مشفي(ن)في شوفهم مارمطلوبـي=غـدي ربي يوفي الديـن هالنوبـه دفـتـرين وواحـدن دفـتــرالطوبـي=جـض قـلبي وان تهجـيـت مكتوبـه اه واويـلاه وامــر مـشـروبـي=واهـنـي نـفـســن تـهـنــت بـمـطـلـوبـه بيـتـنا دومن عن الصـك مصلوبـي=مايـصك البـاب والنـار مـشـبـوبـه وقصرنا زبن(ن)لمن جاه مصيوبي=والضياغـم يـوم يجـلـون لاذو بـه وعندما سمع الطوب هذه الابيات جاء الى ابن مساعد وقطع الدفتر حق الدين وقال والله مااتسبب بطرد ابن عبيكه عن مناخه للضيوف واشهدوا اني متنازل عن كل الدين اللي عليه00 وانحدر ابن عبيكه قبل يدري بتنازل الطوب الى المنطقه الشرقيه في بدايات ظهور البترول وسجل بشركه هناك فضحكوا عليه بعض الناس وقالوا عقب ماانت على سبع خلول مرتكي للضيوف جيت تشتغل بهالبدله (( لباس الشغل )) فقال :
الـنـشـامـا تـشتـغـل لاجـل الريالـي=مانـفـع خـطـو الـولـد كـثـرالـقـعـودي تر كـثيـر المال عند النـاس غالـي=قـالو ان الجود من حسب الوجودي نـشـتغل بالشمس من عقـب الظلالـي=خادميـنـن للنـصــارى والـيـهــودي خايفـن من شقـتـن تفـرش قـبالـي=ونـلـبس الشـيبان عقب البيض سودي نجــدن اللي هـربـت ولـد الهـلالـي=شـد مـنـه تـغـريـب ولاظـنـه يـعـودي رحمهم الله جميعا واتمنى ان اكون افدتكم ياعزوتي0000 الراوي ابن غسلان |
الله يرحمهم وربي يجزاك كل خير على الافاده
يا مبدعنااااااااااااا ربي يخليك لنا بس |
الله يرحم الجميع وبارك فيك راوينا..
لاعدمناك الف شكر لك.. تقبل مروري.. بقايا حلم.. |
فواز الغسلان
تسلم اخوي على هالسالفه و القصيد وربي يعطيك الف عافيه يا شاعرنا المميز وردة العين |
فواز الغسلان
شكرا لك |
راااوي الجبل ابو فهد يااااااااااااااامااااال الغنااااة ياااااااابعدي قصه وقصيده تطرب الخااااطر الله يرحم اجدااااانا ماخلوا للتالين شي لك مني الغلا اخوووك سرحان |
رحمهم الله جميعا
وعافاك وطال عمرك فواز الغسلان على الروايه الصحيحه |
غلا بعد حيي00 وردة العين00 سرحان00 الحيران00 انتظار00 بقايا حلم مشكورين يالعزوه على المرور والتعليق النبيل الراوي00 |
الله يرحم الجميع وبارك فيك
فواز الغسلان ماقصرت يعطيك العافيه |
اقتباس:
كلي ظمى000 سعدت بمرورك وتشرفت بتعليقك الغالي والنبيل0 لكم مني كل الود والتقدير والتحيه العطره الصادقه0 الراوي00 |
الله يسلمك ويعافيك يامالا العافيه
الصافيه يابو الفهد وفيت وكفيت يابعد حيي |
عواااااااااااااااااااااااافي تسسسسسسسسسسسسلم والله وفيــــت وكفيــــــــت.. |
رحمهم الله جميعا
ونعم فيهم والله هذا اطيب من هذا وهذي المراجل مشكور فواز يعطيك العافيه |
الله يرحمهم ويرحم أموات المسلمين بيض الله وجهك على القصه والقصيد دمت ودام قلمك آآمنتك الله |
الاخوه والاخوات اعضاء منتدانا الكريم000 لقد اطلعت على تعليقاتكم الكريمه وتشرفت بمروركم النبيل يالعزوه00 اشكركم جزيل الشكر على مشاعركم الكريمه والغاليه00 تحياتي العطره لكم000 الراوي |
| الساعة الآن 12:52 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010