من شال همي بعد امي
السلام عليكم ورحمة الله وبركاته جانى سؤال من الشاعر بندر الساكت ويقول سؤاله بما ان عقاب شاعر واعرف انه عاش يتيم ماهو مدى تاثير الشعر بالنسبه لعقاب تجاه مايكتب وهل معاناته بفقد امه لها تأثير بهذا الشعر الذى يكتب؟ (((((((((( رحمها الله واسكنها فسيح جناته )))))))))) بالنسبه للجواب على السؤال انى فعلا انحرمت من الامومه وانا صغير السن حتى انى لا اذكر اى وصف منها ولا اعرفها لصغر سنى انا ذاك الوقت واتى من ولله الحمد من ربانى على احسن حال والفضل لله ومن ثم له بعد الله فلم تكن هناك معاناه عشتها والحمد لله على كل حال ومن قام بعنايتى والاهتمام بى ستجدونه بهذه المتواضعه ولكم ولكل من قراء القصيده الشكر والاحترام
شدى اعنان القوافى ,, ياحروفى واكتبى= لاضواك الليل وجاوب ,, كل ذيب لصوت ذيب ارعدى ثم ابرقى ,, وامطرى ثم اسكبى = قاف من شب بشبابه ,, لاقرالى هو يشيب سطرى لى بالمعانى ,, قاف شكله يرهبى = كنها لذياب شلفا ,, تذبحك والا تعيب من صغر سنى وهمى ,, زاد لى والمشربى = مانفع بى طب شعبى ,, لا ولا ينفع طبيب مالقيت الحب بأنثى ,, من وانا عهدى صبى =انحرمت من الامومه ,, ادعى مالى من يجيب جانى من هو خالى وامى ,, لا وهوّ عمى وابى = هو صديقى هو عشيرى ,, هو رفيقى والقريب هو ابوى اللى تكفل بى ,, وسهل مطلبى = ان طلبت السهل جابه ,, وان طلبت ايضا الصعيب شال همى من وانا ,, طفل ٍ صغير ٍ والعبى = واحتزم للحمل شاله ,, يوم وافها النصيب ساهر ٍ بالليل لجلى ,, عينه لى تترقبى = وان نظر دمعه بعينى ,, يستجّن ويستصيب طفل مايدرى وش ابغى ,, بالطلب يستغربى = هو عطش هو جوع والا ,, يشتكى يبغى الحليب واحمد الله صرت رجل اليوم ,, وافتل لشنبى = واعساى اقدر ارد ,, الواجبه لاغلى حبيب يالله انى رافع ٍ يدَى ,, ومنك المطلبى = ياعظيم الملك يا من ,, هو دعى لك تستجيب تحفظه واقدر على ,, ماهّو يوده او يبى = وانت عالم بالخفايا ,, ياعليم وياحسيب |
طفل مايدرى وش ابغـى ,, بالطلـب يستغربـى
،،،،،هو عطش هو جوع والا ,, يشتكى يبغى الحليـب واحمد الله صرت رجل اليوم ,, وافتـل لشنبـى ،،،،،،واعساى اقـدر ارد ,, الواجبـه لاغلـى حبيـب الله الله ..صح السانوووه ..عقاب النهار ..الله يرحم ..والدتك ويسكنه فسيح جناته ..يشهد الله جابت صلبين الرجال ..جابت ابو ضاري ..اللي للشعر نبراس ..وللطيب رقى راس مرقاب .. الله يطول بعمر والدك ..ويجزاه خير على معروفه ..ويجزاك خير على برك ودعائك ..له ... |
عقاب النهار
ابدعت وتفننت وصلت وجلت واطربت ولم تدع للكلام اي مجال..... قصيده شامله كامله وافيه.... قصيده سيغت بحروف من الماس وأنامل عذبه. |
صح لسااااانك وبنانك مبدعنا عقاب االنهار
الله لايهينك وبيض الله وجهك |
رحمة الله عليها
صح لسانك عقاب النهار صح لسانك وتسلم على هذه الأبيات ونأمل المزيد |
الشاعر القدير عقاب النهار
تسلم الغالي قصيده قمة الروعه والجمال بيض الله وجهك |
يسعدك عقاب على القصيده كفو والله
صـــــح لسانك أبدعت دائماً متميز في طرحك .. سلم فكرك وقلبك |
صح السانك
وسلمت اناملك |
عقاب النهار .. تلك الأحاسيس المرهفة لا يملكها الا فنان .. وأنت فنان بالفطرة .. حروفك بريقها آسر .. تقبل مروري وتحياتي .. نسايم الساده.. |
بن نهار عقاب كفيت ووفيت
يسعد لي نبضك وقلبك وقيفانك صح لسانك مدد كلمات تنزف بالأحاسيس الصادقة مختلطة بالروعة و الرقي تقبل مني خالص التحية |
جمال تلك الأبيات ، لا تصفه الكــــلمات ...
عقاب النهار لله درك، فـ صح اللـــه لـســــانك ،، ودمــت شاعراً وملهماً .. |
صح لسانه عقاب سجل اعجاب بنزفك ياعلك تسلم
ياشاعر كبير والله الله يوفقك |
الله لايهينك عقاب النهار
قصيده قمة الروعه والجمال بيض الله وجهك |
صح لسااااانك وبنانك
اخوناعقاب ماقصرت ربي يجعل االوالده بجنانالفروس |
بعد حيي عقاب
الله يلبسكالعافيه وفالك العافيه على الرائعه |
الساعة الآن 07:28 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010