|
هل تقبلين بهذا الشاب /هل تقبل بهذه الفتاة؟؟؟؟
السلام عليكم ورحمة الله وبركاتهـ
آولآ .. يسعد لي صباحكم/ مسائكم جميعا ثآنياً ... اليوم احد أصدقائي قص لي قصة احزنتني كثيرا فهو يقول أن هناك شابان اصدقاء صداقة رائعة ولاحدهما اخت اعجب الاول باخت الثاني واراد ان يتزوجها صفات الشاب الخاطب : متعلم.. وسيم.. مثقف ..غني ..على خلق رفيع لكن هناك مشكلة هو ان هذا الشاب لايعرف له ام ولا اب باختصار هو لقيط وعندما تقدم لخطبة الفتاة من صديقه رفض الاخ بشدة انتهت القصة فكرت وفكرت انه لامر محزن جدا ولكن هنا ساطرح بعض الاسئلة لمناقشة هذا الموضوع بكل جدية سؤال للجميع : هل للاخ الحق في رفض صديقة وهو يعلم انه رجل يحمل كل الصفات الآنفة الذكر..؟ سؤال للشباب : هل تقبل بالزواج من فتاة لقيطة فيها كل صفات فتاة احلامك .؟ سؤال للبنات : هل تقبلين بأن تتزوجين من شاب لقيط يحمل كل صفات فتى الاحلام ..؟ اخيرا ..اتمنى التفاعل من الجميع بكل مصداقية دمتم بود |
لا حول ولا قوة إلا بالله بالنسبة لي لا قبل الزواج من لقيطة قال صلى الله عليه وسلم تنكح المرأة لآربع وذكر منها الحسب مستحيل أتزوج وحده ما أعرف اصلها من فصلها نظرة المجتمع لا ترحم (( فيه مثل يقول اسال عن أمها قبل تضمها )) وهذي أمها مين !!!! |
مع آن الذنب ماهو ذنب اللقيط انه جاء على الدنيا مجهول النسب لكن انا ارفض اني اتزوج لقيط كيف اتزوجه وين نسب اولادي يعني اجيب اولادي بدون مايكون لهم اصل ولا عائلة يحملوا اسمها كيف راح تكون نظرة الناس وتعاملهم معهم وكيف حتكون حياتهم وحياتي انا معه ولو رضيت وهذا مستحيل اهلي راح يرفضوا وبنفس الوقت حرام اظلم اللقيط معاي لانه مهما كان لا بد مايسمع كلمة فليش احسسه بالنقص واحط نفسي واحطه بموقف احنا بغنى عنه .. والافضل ان اللقيط او اللقيطة يتزوجوا من اللي زي حالتهم علشان يتجنبوا حكم المجتمع عليهم |
صراحه انا لااقبل اتزوج لقيط
يسلموووو ع الطرح عسانا ماننحرم من جديدك تقبل مروري |
وش هالموضوع؟؟:095: ولاأنا ارضى اتزوج لقيط صحيح انه لافرق بين عربي ولاأعجمي إلا بالتقوى لكن الوضع من جد محزن..:(:( ابو حاتم شكرا على طرح الموضوع |
إلا [ اللقيط ] .. حرآمـِ أحس ظلمـِ .. بس شخصيا ً .. ما رآح أوآفق عليه .. مو عشآن شي .. بس عشآن [ عيآلي ] بكرا ما أحد يتكلمـِ عليهمـِ .. و نظرة المجتمع لي أنا و هو .. صحيح من عآئلة أصيله و نسب و حسب .. بس [ لقيط ] صعبة .. أصلا ً من شروط الزوآج [ تكآفؤ النسب ] .. صحيح ممكن نتغآضى عنه .. لكن يكون له أصل و نسب .. لو من [ قبيله غير ] لكن لقيط صعبه جدا ً .. يعطيكـْ العآفية أخوي على طرحكـْ .. و موضوع جدا ً شآئكـْ .. لي [ عوده ] إليه لـ الإطلآع .. |
وعليكم السلام ورحمة الله وبركاته
وصبآحك يا عزيزي / ... معليش بسْ يمكن شوي بغير المسار وأخرج عن الموضوع , أنا قبل فترة تقريباً قبل أسبوعين كنت أفكر في طرح شبيه لموضوعك عزيزي وبالفعل نحن نتدآوله في الحياة ولكن قلت من غير اللآئق إني أطرح الموضوع اللي برآسي هنا في منتدانا لذلك حبيت أحتفض به ولكنه قريب من موضوعك بنمط مختلف نرجع لموضوعنا الأهم : / أولاً الشكر موصول لك أخوي على الطرح الرآقي والجميل والمثير حقيقتاً في مجتمعنا . طبعاً الأخوه ماقصروا أعتقد مافيه أدنى شك في كلامهم بصرآحه ورد جميل منهم أيضاً وبالدليل كذلك , فعلاً ليس له ذنب هذا اللقيط أو اللقيطه ولكن مثل ما ذكر أخوي شاعر الحسب يقف أمامها وكذلك أختي روح عن تكافؤ النسب هنآ مخالف لشروط الزواج إذا حلاً وبالمنطق يتم الرفض , لا خيار لي سوىا الرفض حقيقتاً :095: أنتهيت من كلامي .~ / / / / خآرج النص وخآرج الحوآر أوكيه بتزوج اللقيطه بسْ مسيار وبالسًـرٌ :h63: >> لايكون أحد حقد عليُ بسْ دمت بود عزيزي وبحفظ الله ورعايته . |
لا تعليق بصراااحه
|
امممممممممممممم بصراحه موضوعك يبغاله تفكير قبل الرد عليك .. يعني والله ما الوم اخوها لمن رفض وفي نفس الوقت حرااام يخسر واحد مثله يعني على حسب قولك كاااامل واهم مافيه اخلالالاقه ومتعلم واكيد ما وصل لهذي المرحله الا بعد تعب ومشقه وما حصل على المبلغ هذا لدرجة الغنى الا واضح انه رجااال ويعتمد على نفسه صارع وتعب وشاف من الدنيا الكثير لانه (لقيط ) ,, ونظرة المجتمع بحدذاته تقتل ومجتمعنا حييييل ما يرحم بس عن نفسي والله مدري اوافق ولا لا؟؟ لاهنت اخوي على الطرح يعطيك العافيه.. |
صح الذنب ماهو ذنبه انه جاء نتيجة غلطه لهالدنيا
بس فيه بنات مثله يقدر يتزوج منهن لان صراحه الموضوع صعب لان الضحيه الاولاد وش راح تكون نظرة المجتمع لهم واكيد بيلمون امهم انها حطتهم بهالموقف لان كان بيده ماتقبل فانا مع احترامي للقطاء مستحيل اقبل لان مجتمعنا مجتمع مايرحم |
لا بصراحه ارفض اللقيط وبشده
مو عشاني عشاني عيالي بعدين اذا احد سألهم وش اصلكم ووش فصلكم اخوي مشكور عالطرح القيم |
اسعدك الله اخوي ابو حاتم
نعم طرح يحزن ويعجز العقل استيعابها اللقيط واللقيطه لا ذنب لهم صحيح ولكن نحنو على عادات وقيم دينيه لا نقدر ان نتنازل عنها وهذا لا يمنع تأثرنا بمواضيعهم يسر الله امرهم كل الشكر اخي |
سؤال للبنات : هل تقبلين بأن تتزوجين من شاب لقيط يحمل كل صفات فتى الاحلام ..؟
والله اوافق هذا مو ذنبه حراااااااام احس انو كذا ظلم اذا الامر بيدي قسم بالله اوافق يسلموو على الموضوع المحزن |
| الساعة الآن 09:46 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010