غابت اضواء المدينة = واختفا نبع الحضاره
غابت انوار السفينه = والشواطي والمناره
وانتهت ذيك الامينه = وابدت الاسماء اعتذاره
وانتهى عصر السكينه = والوداع به المراره
لجل اصابعها اللعينة = تلعب بحبل الاثاره
لجل اصابعها اللعينة = تنتمي لاقذر تجاره
أودعتهَم له رهينه = واحضعتهم للاشاره
ما عدا نايف يهينه = حاولَت باكبر حقاره
فرقت بيني وبينه = حاولَت تفرض قراره
قلت أنا دامك مهينه = والفكر فيني شطاره
لا تجيني لو تجينه = ما علي منكم نهاره
يومها قرب سنينه = وابتدت فيها الشراره
شب (كبريتي) يدينه = وانكوت مني بناره
حاولتواسمع ونينه = صوتها بيّن عواره
والخوي لو ماتبينه = عافته نفسي وداره
ما أبي قربه ودينه = له ودين الله طهاره
الشرف سلعه ثمينه = والعفاف اسمى اماره
ويش ذلٍ ترتضينه = هذي الدنيا ومداره
يا حياة بالهوينه = كنها عيشة مغاره
أكسر غرورك واهينه = لين تلقين المراره
لنك أصلا ماتبينه = حاجتك هي الوزاره
مني أدري تاخذينه = خوذي الفضله بشاره
خوذي اطلالٍ جزينه = والنخل طلعه وباره
والتمر لا تأكلينه = سنةٍ والله خساره
فـَـكّـوا قيود الرهينه = وابحرت عند المنارة
للاسف غرقت سفينه = لانها ظلت مساره
وعادت اضواء المدينه = وابتدا عصر الحضاره
والخوي راحت سنينه = في غرق قارب واداره