السلام عليكم ورحمة الله وبركاته
قصيدتي اطرحها بين ايديكم
آمله ان تعانق رضا ذاائقتكم الراقيه ..
وجنائن ورد لكل من شرفني بمروره ...

ياللي تذكَرني وانا دايم اذكرك=
بالله قلي وينك اليوم عني
ما عاد فيَه صبر يالله سترك=
ترفق بحالي وانت دايم عويني
خل الغلا فالقلب يحفظه صدرك=
واذكر طفولتنا تراها تحني
وخلن على بالك ودايم بفكرك=
لو البعد طول تراك انت عيني
روحين تجمعنا بعمري وعمرك=
امانتك لا يزعلك شي مني
انته منى روحي من ايام صغرك=
ولا فيه غيرك في حياتي يغني
صحيح بعض احيان يطغى غرورك=
لكن هذا الوضع ما اخلف ظنوني
فيك الشموخ وعزتن ما تغرك=
مثل الذهب صافي مع الوقت يِغني
الحب بعض احيان والله يسحرك=
لاصار من تغليه بالحب يبني
اصدق مشاعر ما يفكر بضرك=
دايم على وضح النقا مثل سني
ماهو خبيث طبوع فواح عطرك=
دايم ومثلك رافعن بالمعاني
بالله لا تطول ترى الوقت يسرقك=
وتنسى غلانا ويسكن الخوف فيني

لو البعد طول تـراك انـت عينـي


صَح لِسَانُك غَلَاتِي وَعَلَّا شَانِك أَبْيَات قِمّة بِالْرَّوْعَة

تْسْلمْين وِمْشَكْوِرِهـ عَلَى إِمْتَاعِنَا بِهِالْقَصِيْدّة يَالَغَلَا

وَلَا تَحْرِمِيْنَا مِن جَدِيِدَك لَا عَدِمْنَاك يَارَب.

المشاركة الأصلية كتبت بواسطة شل الحل بغيابك (المشاركة 973675) شاعرتنا على النيه هنا منبع كلمات هبت بمشاعر صادقة وندية فشع كل حرف احساسا عذبا يغذي الروح رائع هو التواجد في جنائن كلماتك عزيزتي ابيات رائعه تستحق الوقوف والتمعن بها تسلم يمينك وصح لسانك 0

المشاركة الأصلية كتبت بواسطة هاوي الشمال (المشاركة 973678) شاعرتنا / على النيه .. أرويتيني شعر بهذه الأسطوره الرائعه قصيده جداً جميله سلم بوحك المميز والراقي دائماً يعطيك العافيه وبانتظار بوح آجمل ..