|
( آم زوجي وزوجك وحيآتنآ آلزوجية، متجدد )
لاحظت بالقسم ان كله امور لاتتعلق باللأمور الزوجيه ابدا ولا بطرق التعامل مع الزوج او اهل الزوجٌ ليه طيب ؟؟ ليش مانحاول نوصل رساله لكل متزوجه او كل مخطوبه </b>فقلت خلني اجرب اكتب بعض الأمور اللي ممكن تفيد كل متزوجه .. او مقبله على الزواج صحيح فيه متزوجات من سنين بس نحس انها مو فاهمه الزواج صح ولا عارفه كيف تتعامل مع هالزوج او تكسبه او كيف تتعامل مع ام زوج " طيبه أو شريره " *كيف يكون تعاملي مع ام زوجي الطيبه الحبوبه وكيف اقدرها وازيد حبها لي ..؟ وارضي ربي وزوجي ونفسي وضميري في برها قبل لأرضيها هي.. وكيف يكون تعاملي مع ام زوجي الشريره وكيف اتقي شرها واسخرها لي بأسلوبي ؟؟ واجعل منها من ام زوج شريره إلى ام زوج تحبني وتتغير نظرتها عني واغيرها للأحسن بدل ماهي تغيرني للاسوء " لانعامل السوء بالسوء ولا الشر بالشر " يابنات كثير مننا تفكر بالزواج لأجل امور سطحيه تافهه تبي الحريه وتبي تاخذ راحتها ببيتها او شقتها وتبي تلبس على كيفهاو تبي تسافر يابنات مو هذا الهدف من الزواج الوحدة تفكر بهذه الامور وتنسى انها رح ترتبط بحموله كبير هتتكون من ام واب جديدين او خلنا نقول عم وخاله " اهل الزوج " وتنسى انها رح يكون لها اخوات واخوان جدد " المفروض كذا نعتبرهم اخوه واخوات " وتنسى انها بيكون عمام زوج وعمات وخالات وخوال و و و و والأهم !! " بحياتي رجل وهو الأهم " وكلهم لابد نحط في بالنا انهم يبغالهم تعامل وبال رايق وخلق حسن وطيبه وعدم انانيه خلونا نتكلم بصراحه مو صحيح كلامي ؟؟ انا ودي اتكلم عن كل شي وجايتكم انشالله بس ابي اركز على بركة البيت والمكان ... * أم الزوج وماادراك ماهي ؟؟ دائمابالتلفزيون يوضح ان ام الزوج وتصور بانها شرحبيل الشريرماادري ليش مسكينه بقول لكم كلمة حق بصراحه أم زوجك هي بركة زواجك لو رضت امك عليك اولا وام زوجك ثانيا .. صدقوني يتبارك زواجك ويرضى رب الكون عليك حتى الزوج نفسه يحبك ويحطك على راسه " من ماتت وزوجها راضٍ عنها دخلت الجنه " وام الزوج مهما كانت شريره إلا انك حاولي بقد ماتقدرين كسب ودها باي شكل من الأشكال .. * أم زوجي طيبه : كيف اتعامل معها وكيف اقدر طيبتها ؟؟ ياسلام لو كانت ام زوجك طيبه وحنونه وتعتبرك إلا بنت من بناتها يانعمك ويابختك بيصير لك أمين أمك + أم زوجك وهذه تراها نعمة يستحق وقتها تعطينها حنانك واحترامك لها تستحق مبدلتها بالطيب والتقدير وهذا ترى مو شي ثقيل عليك إلا واجب وكل بنت على ماتربت عليه هنا تعكسين تربية اهلك لك وقتها يقولون : أم فلانه ربت وماضاعت تربيتها " بإيدك ترفعين راس اهلك وراس امك وابوك وبإيدك وقتها بتصرف منك وانانيه تنزلين راسهم ويقولون " ماعرف يربي ابوفلانه ولا ام فلانه " لأن انانيتك وقتها وشيطانك ماراح تبان نتائجه عليك كثر ماراح تجرح امك وابوك للأسف في بنات لاشافت ام زوجها طيبه تستغلها وتهينها وتحقرها اسمحي لي اقولك لو انتي منهم .. انتي " ماتربيت" وصفر عالشمال بمجتمعنا .. والله لاهي شيمه ولا فتولة عضلات وحرام عليك لك اطفال قولي الله يصلحهم لايسوون بك زي ماسويتي .. " الدنيا دواره وكما تدين تدان " بس كيف اعاملها ؟؟ شفتي امك وكيف تعاملينا ؟؟ مثلها تمااااااااااام ام زوجك بشر ، بشر .. تراها ام خليك على طبيعتك معهاوسولفي لهاو معاها " البعض ماتسولف لأم زوجها وتعتبرها حاجز ولاتبي تقولها شي،، طيب ليش؟؟" بالعكس ودها تتكلمين معها وتحس ان هالبنت مرتاحه لي كاأم وام زوج " لاتحسسين ام زوجك ابدا ان بينكم حواجز تراه امر مره مزعج .. وقبل كل شي تخيلي انك مكانها .. !! ايش شعورك وزوجة ابنك تبتعد عنك وتحسسك انك ماابي اقولك شي يخصني ؟؟ صحيح لكل حياه زوجيه اسرارها انا مأقول قولي خصوصياتك هنا أقولك stop انا قصدي عامليها كأمك او صديقتك واجعلي منها دفتر لك وصندوق همومك ... ولكن ليس كل الهموم وليس كل المشاكل الزوجيه استشيريها خلي منها دليل لك لأن لها خبراتها واكيد ماراح تقولك شي يضرك او يخرب حياتك مادمتي طيبة معها تذكريها بهديه طيبه ( سجادة ، اسوارة ذهب ، اعزميها برا) وشوفي كيف ملامح وجهها تتغير وتحبك اكثر لما تتذكرينها بهديه بسيطه برب ،، |
* اسكن مع اهل زوجي ... هنا وقتها في امور لابد من التركيز عليها هي بسيطه وامور عاديه ولكن لها الأثر الكبير وترفع قدرك عندهم ... - رحبي فيها لأقبلت عليك او بوسي راسها ويدها ... - خلي لك دور في المنزل وكانك صاحبته .. " مو بالأوامر والنواهي وفرض الأمور فرض " اعداد الوجبات الغذائيه ومو شرط كلها وتكرفين عمرك ولو صارت كلها مو عيب واجبك اعداد يوم من الأيام اطباق حلى .. اشتهي لأم زوجك طبق تحبه وحاولي تريحينها في اكلها ... فيها سكر او ضغط او غيره راعي هالشي ... * اسكن منفصله عن اهل زوجي .. فيه امور برظو لو سويتيها وهي بسيطه مرح تاخذ منك وقت رح تشفع لك وتقربك منها كثير ووتحبك - اتصلي عليها يوميا تطمني عنها " كلها مسألة 5 دقايق مهب لازم تهذرين نص ساعه " - احضري معك طبق عند زيارتهم ومو شرط كل مره بس كبادره حلوه منك - تذكريها بالهدايا حتى لو شي بسيط زي ماذكرت اول .. - افقديها لاغابت عنك او كانت مريضه وحاولي مواساتها و طمانتها على صحتها ورفع معنوياتها * ام زوجي شريره .. كيف في هالحاله نعالج الموضوع ..؟؟ احسن حل " لااسمع لا ارى لااتكلم " انسي وتجاهلي واصفحي عن اي تصرف او كلمه تبدر منها مسيئه لك .. صحيح الأمر مزعج في بداية الأمر وراح تخزنين طاقات سلبيه بداخلك وقهر وألم .. بس تحملي ومابعد الصبر إلا الفرج .. نهايتها بتحس انك بنت والنعم منك وانك لاتستحقين كل هالشي اللي تسويه.. وبالأخير بتكونين انتي الصالحه الطيبه وهي بتحس بشرها المشرشر وتغير معاملتها لك ويمكن انتي سبب من اسباب تغيرها مستقبلا وتبدل طباعها في نظريه روعه وانا أؤمن بها " لايعالج الشر بالشر والخبيث بالخبيث " بل " يعالج الشر بالخير والخبيث بالطيب " بصور لكم مثال ... الأسد مافي اشر منه ولا اشرس ويقدرون يروضونه .. الأفعى مافي اسم منها واخبث ويقدرون يروضونها .. هذا وهم حيوانات الله يكرمكم .. كيف البشر ؟؟ اللي له قلب يليــــــن بالكلمه الطيبه واحتسبي الأجر عند الله وزوجك اهم شي " حاضر , سمي , ابشري , من عيوني " هالكلمات والله وربي تلين الصخر .. حتى زوجك بتكون نظرته لك غير وحتى اهل زوجك بيحترمونك وهم يشوفون الفرق الشاسع بين تعاملك معها وتعاملها معك من جد بيكون فرق .. ولو لا قدر الله صار مشكله بينك وبينها او مشكله بينك وبين زوجك راح تلاقين كل البيت واقف معاك بسبب طيبك واحترامك لأنك فرضتي احترامك عليهم كلهم بأسلوبك ... اما اسلوب وحده بوحده هذي ماتمشي بترجع لك مع الوقت.. سوي لها الأكلات اللي تبيها اعرفي اللي تحبه من اشياء وقدميها لها هديه " تهادوا تحابوا " الهديه مفعلوها عجيب يابنات يمكن لاجبتي هديه تقط عليك كلمتين مو حلوين او تنغز وتلمح بالكلام أنتي" قل خيرا او اصمت " لو تحسين انها من النوع اللي لارديتي تزيد وقفي لاتردين عليها حتى لو رد يجرح ولا حتى تقولين " جزاك الله خير" هالنوع من الأمهات تثور وتحس الكلام الموجه لها تغز او مسبه او تلميح فاسكتي احسن لك من زود المشاكل وان كانت من النوع اللي يسكت من كلمه ولا يرادد او يفسر غلط وقتها ردي بكلمات حلوه " جزاك الله خير .. تمونين .. افداك انا " بس هذا اللي قدرت اكتبه وأن شاء الله اقدر افيد احد فيه بس قبل كل شيء تذكروا ان ام الزوج ام وكبيرة بالعمر والناس بالعمر الكبير حساسيتهم لاي شيء تزيد ودمعتهم تنزل بسرعة احسني معاملة ام زوجك لان انت بكرى جايك الدور وبتكوني ام زوج والله يوفق كل متزوجة ومخطوبة ويرزق اللي ماتزوجت ملاحظة مهمة // آنتبهي آنك تستغلين حب ام زوجك لولدها اللي هو زوجك وتزيدين بآذلالها واحتقارها لان بعض الامهات تسكت عن مشاكل الزوجة خوفا على مشاعر ولدها ،، ليش انت ماتكوني حريصة مثلها على مشاعره وقبل ماتتزوجين فكري آنك قبل ماتتزوجين زوجك فانت راح تاخذين اهله واخوانه وخواته معه فاحترميهم وقدريهم قبل كل شيء روح آلسمآء |
روح السماء
موضوعك جدا جدا جدا جميييييييييل وحتى انا ملاحظه بالقسم انو مثل هالأشياء المفيده مافي كل القسم يتكلم عن الازياء وغيرها اعجبني موضوعك جدا وياليت البنات يتحمسون مع هالأشياء ونصير واقعيين شوي ونساعد بعض روح السماء بالنسبه لــ اعداد الوجبات الغذائيه ومو شرط كلها وتكرفين عمرك ولو صارت كلها مو عيب واجبك اعداد يوم من الأيام اطباق حلى .. اشتهي لأم زوجك طبق تحبه وحاولي تريحينها في اكلها ... فيها سكر او ضغط او غيره راعي هالشي .. أنا عندي مشكله أني بوادي والطـــبخ بوادي أذا تعلمت<<<أنسى^_^ واذا دخلت المطبخ يجي لي اكتئاب <<<^_^ وما أعرف أسوى الا اندومــــي تتوقعين اذا تزوجت عادي أسوي لهم أندومي؟؟ ماعندي مشكله اسويه بعدة نكهااات ^_^ يؤ يؤ يمممممممممممااااااااه تخيلي عاد ام زوجي تصير زي امي ماتحب الأندومي ياربيييييييييه اخاف تموت من الجوووع....:001: على الأقل أمي انقذت نفسها جابت طباااخه... أخاف أصير زوجــه فاشــله:062: |
غرور
ترى كلنا ماكنا نعرف نطبخ انا والله ماكنت اعرف اسوي كاسة الشاهي بس الله يخلي لي امي ماقصرت معنا علمتناانا وخواتي وبنفس الوقت انا دائما تلقيني جالسة عند التلفزيون وبيدي دفتر وقلم وبس اقلب بين قنوات الطبخ واكتب والمجلات اقص اوراق الاكل واشيلها واي اكله تعجبني اظل وراها لين اضبطها وترى مو شرط تطبخين شيء كبير لو تسوين لها قهوة وتجلسين تتقهوين معها بتشوفين كيف تفرح خصوصا يوم مايكون احد من بناتها موجود او كلهم متزوجات ماراح تحس بالوحدة وراح تعتبرك بنتها وتكونين اقرب من بناتها نفسهم |
تهقـــــين؟؟
أجــــل خلااص ابتزوج <<<ذابحتها الرحمه على ام زوجها اللي ماتدري منهو؟ ابتعلم اسوي قهوه وحلى ونمشي حبه حبه لين أسوي مفطح^_^ يعطيك العافيه خيتوووووو تحياتي لك ^_^ |
بججد اهنيك غلاتي ع هذا الطرح المفيد
تسلميننن قلبوو لاعدمناك ولاعدمنا طرحك الرائع لروحك الجوري |
غرور آلله يوفقك يآرب ويرزقك ويسعدك |
آوكسجين تسلمين يآرب وكلك ذوق منورة |
:
يسلم ـك ربي ي ذوق طرح قيم جدآ جدآ جدآ لاهنتي \ |
وانا مع غرور والله ماعندي سالفه
ماعرف اطبخ ولا اعرف اسوي ولاشي حتى شاهي ماعرف ولا اندومي بعد واكره المطبخ كل يوم ماما تسويلي سالفه تقولي شكله زوجك بيطلقك من اول يووم هع ودايم اتهرب وماادخل المطبخ لاني اعتني بنفسي ويدي واكره اقطع بصل او اسوي اي حاجه مدري وش الحل؟؟؟؟ يعطيك الف عافيه على الموضوع الرااائع |
آضحك للدنيآ ربي يسلم قلبك يآغالية ومنورة |
اقتباس:
آنفآل يآقلبي كلنا نعتني وآلعناية ماتمنعك تدخلين المطبخ آو تسوين شيء وعندي حل لك آدخلي المطبخ وآلبسي قفآزآت على آيدك وآشتغلي عآدي سوآء غسيل آو حآولي تتعلمين شيء خفيف ولا طلعتي من المطبخ غسلي آيدك وحطي عليها مرطب وخلاص وماراح تلاحظين آي فرق آهم شيء حتى لو ضمنتي انك ماراح تطبخين او غيره ببيت زوجك من الافضل لك آنك تكوني عارفة لكل شيء ماتدرين متى تحتاجين للمعرفة ونصيحة خليك مع امك بالمطبخ آو بشغل البيت وآيدك بايدها وراح تتعلمين وبالعكس راح تحبينه،، وربي يوفقك دوم |
طرح جميل ومهم .. ما تزوجت بعد - بس من خلال عائلتي وخواتي وتعاملهن مع اهل ازواجهن استفدت كثير .. اولا - تعتبر الزوجه اهل زوجها هم اهلها .. وتحاول تكسب قلوبهم ومحبتهم بحسن خُلقها وتعاملها معهم .. وقبل كل شيء الاحترام والتقدير لام الزوج فهي مثل امك تمام .. واعجبتن حركة الاهداء فهالهدايا تعني الكثير .. عندي مبدء اللي هو قدمي الخير اولا وابدئي به فستجدين ما تقدمينه امامك والله يوفق الجميع بازواج صالحين ..وحياه سعيده .. روح سلمتِ ع الطرح الراقي .. ودي ,, |
بسم الله الرحمن الرحيم السلام عليكم ورحمة الله وبركاته روح السماء يسعد ربي مساك بالنسبة للموضوع اولا يا الغاليه يجب على الزوج والزوجة ان يتفهموا ماهو الزواج وما هي الاسرة وما هي عيوبهم وماهي نقط ضعفهم ونقط الخلاف لكي يتجنبوها وقدراتهم وواجباتهم ومسؤولياتهم ما دورهم تجاه اولادهم ما هو الاسلوب الصحيح في التربية وما هي حقوقهم وحدودهم يجب أن يتفهم الزوج ان الزوجة يجب ان تكون مكملة له وليست مشابهة له ولها شخصيتها وحدودها وما تحب وتكره وهي ايضا يجب ان تتفهم هذا يجب ان يكون القائد الرجل والنائب الزوجة يجب أن يكونا شريكان مكملنا كل واحد يساند الاخر اما بالنسبة للقرارات يجب أن تكون بالحوار والكلمة الفصل للحل المناسب وليس للزوج فقط او الزوجة بالنسبة للاولاد لهم حدود ولهم راي ولهم حقوق وهم شركاء ايضا في مؤسسة الاسرة بالنسبة لام الزوج عن نفسي اتمنى لو يكون للزوجة بيتها الخاص بها حتى لو كان صغير وخصوصا باول سنة من الزواج لكي تتعرف على اطباع زوجها بالنسبة لام الزوج كما قلتي يجب ان تكون بمقام والدتها لها احترامها وقدرها ومحبتها وغلاتها والام الطيبة الرحيمه تكون كل تمنيتها ان يكون إبنها سعيد مع زوجته ومرتاح البال في حال عدم قدرة الشاب على شراء بيت او ترك امه الوحيدة يجب ان يكون هناك معرفة مسبقة بالام ومرحلة تعارف الام القاسية والله يا روح السماء ما فينا ننكر وجود امهات فيهم البركة فمثلا ممكن تجدي ام تغار كثير او ام ما تحب ان تجد زوجة إبنها مسرورة او سعيده وفي امهات تنتظر على زوجة إبنها الغلطة يعني في امهات فعلا لا تستطيعي أن تتحمليها بالنسبة لي او امر يجب ان تنفصلي عنها لو كنتي ببيت واحد لكي يخف الضغط عليك و عليها وعلى زوجك ثاني شيئ لازم نحط ببالنا أمرين نحنا بدنا نتقرب منها لا نسخرها لنا والامر الثاني إنها ممكن ما تتغير وعلينا أن نتقبلها كما هي في حال إنفصلنا او كنا ببيت اخر يجب ان نتعرف على محاسنها واطباعها السيئة واسبابها وقتها نكون حكيمين انفسنا في اسلوب التعامل يجب ان يكون زوجك عنده فكرة على طبيعة العلاقة بينك وبين والدته ويكون في اتفاق وثقة بينكما بحيث لو والدته تصرفت تصرف مستفز يسيطر الزوج على الموضوع بإسلوب هادئ يعني يطفي الموضوع دون ان يجرح امه او يغلط بحق الزوجته وقتها الام لو احست ان الإبن واعي وفاهم ما يحصل ويحاول انه ينهي الموضوع بسلام حتخفف من طبعها او تلاقي مافي فايدة وتستحي على روحها الزوجة هنا يجب ان تكون ذكيه وهادئة ومتفهمة وبنفس الوقت محافظة على احترامها وحدودها يعني بامانه لو سكتت سكتت والزوج ياخذ كلام امه ويقول لشر اشتر حتنفتح بوابة صعب تسكيرها وستصل المرحلة للجحيم ما يصير بكلمة طيبة ترد اعتبارها او زوجها بتصرف طيب ومتفهم امام والدته يرد اعتبارها الزوجة يجب ان تكون تعرف واجباتها وواجبات بيتها غير مقصرة متفهمة للزوج ومكملة له ومتعاونه معه وذكيه وحريصه في طريقة التعامل مع ام زوجها تحمل لها نوايا طيبة متفهمة لعيبها تقوم بواجباتها من أحترام وتقدير تراعيها اوقات المرض وتحترمها امام الناس بقلمي احترامي |
ام زوجي عسل عند خوات زوجي الغيورات
|
| الساعة الآن 06:15 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010