رثأ بأخواني عمروسعد محمد الرمالي..
قصيدة رثأ بأخواني// عمروسعد محمد السالم الرمالي يقال ان ألرثأ أصدق ألشعر لأنه مجرد وبعيد عن المصالح بهذه الدنيا وكل انسان لامس وتعرض لهذه التجربة ألمؤلمه: في مهجتي جرح قديم لكن ني رحيل سعد كنه أعلن مماتي *00* وعقبه رحل عمرو فرقاه تدمي جدد جروحي وشال عقلي فواتي *00* عمروسعد خلوني لأحدي ولأبدي جرح الأخو ماله علاج بتاتي *00* مصيبتين شلة الفكر تعمي أحترت بأمري وشككتني بذاتي *00* مصيبتي ماظن تبري وأنا حي بين المصايب ماله وصف وصفاتي *00* حتى ولو قالولي الوقت يشفي أبقي أعاني حتى ساعة وفاتي *00* ألكل شاف فراقهم وش عمل في من عقبهم مافيه معنى لحياتي *00* قصرت خطاي وصرت أعاني وأنا أمشي يصعب علي أجمع بقايا شتاتي *00* أعتم طريقي وأختفي بعيني الضي الوضع مؤلم والسنين لقحاتي *00* من لوعة مايبره ثالج المي هزت كياني وأخلفت لي ثباتي *00* أخواني اللي كنهم الجال والفي جال يذري عن شقي ألمعضلاتي *00* عليهم حزين ومدمع العين يبكي عليهم سلام الله هل الطايلاتي *00* بكت عليهم أجواد وأيدين تعطي ومعاني وأخلاق وبذل وصلاتي *00* شعر سعيد محمد الرمالي ابويوسف |
صح لسانك مدد
ماقصرت قواك الله الله يعطيك العافيه . رحمهم الله اجمعين |
الله يرحمهم..!!
عافاك الله ع الابيات صح لسانك ولاهنت شكري |
صح الله لساانك يا الغالي والله يرحمهم ويغفر لهم ان شاء الله بارك الله فيك وهذي الدنيا وانا اخوك |
لله دركــــــــــــــــــــــــــــ ابو يوسف
على روعه القصيده سجل اعجابي متابعتي لبوحك |
ارفع قبعتي لك ولعزفك الفريد
|
الله يرحمهم ياخوي ويسكنهم جنان النعيم
قصيده معبره صح لسانك |
الله يرحمهم ويغفر لهم ويصبر قلبك على فراقهم
الله يعين على فراق العزوه لان مهما صار جرح فراقهم مايطيب ابد مهما طال الزمن قصيده ابكتني وجددت جرحي صح لسانك |
رحمهم الله واسكنهم فسيح جناته صح لسانك على الابيات الرثائيه الصادقه والمعبره وسلمت ويعطيك الف عافيه يارب |
الله يرحمهم ويغفر لهم
ضربتين في الراس توجع..:( صح لسانك ورحم والديك واخوانك |
يا هلا فيك مليون رائع بسلاسة حرفك الأخاذ والرائع
صح لسانك |
الله يرحمهم ويسكنهم الفردوس الاعلى
صح لسانك ياأخوي ويعطيك الف عافيه . |
الله يرحمهم ويغفر لهم
صح لسانك ولاهنت |
اقتباس:
جبتها ع الجرح ياخوي الله يرحم خيوتك ويصبر قلبك على فراقهم صدق من قال مافراق الا فراق الموت والا الاحياء مصيرهم يتلاقون صح لسانك على ماقدمت من ابيات ولاهنت |
الله يرحمهم ويسكنهم فسيييح جناانه
لاهنت يااخوي |
الساعة الآن 08:42 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010