وجهك يجيب الهم والحزن والضيـق=
وشوفتك تجذب داخلي كل الاحـزان
انا بغرب وانت ابي منـك تشريـق=
ابيك تبعـد عـن عيونـي مـن الآن
تكفى نخيتك فـرّق القـرب تفريـق=
ولاعاد اشوفك لو يطولـنّ الازمـان
ياخي انا لك ياسود الوجـه ماطيـق=
سببت لي تدميـر شامـل وبركـان
احرقت قلبـي والحشـا والمعاليـق=
واشعلت فيني يااتعس الناس نيـران
ماشفت مثلك فـي جميـع المخاليـق=
ولاشفت مثلك واحد(ن)للوفـا خـان
هرجي معك مافيـه كذب(ن)وتلفيـق=
وانته معي بالكذب والنصـب فنـان
انا بسافـر واسكـن اليـوم ببقيـق=
وانته ابيك تـروح لديـار الالمـان
ابسكـن بـدار الرجـال المطاليـق=
وانت اسكن بدار(ن) بها الكل خـوان
كلن علـى ماقيـل داره بـه تليـق=
على اختلاف الناس واوضاع الاوطان
افيق مـن نشـوة فراقـك ولاافيـق=
اخاف تطلع لي وانا منـك غضبـان
الله يعين اللي على صـدره طويّـق=
والله يصبّرقلب مـن كـان هيمـان