منتديات بعد حيي - عرض مشاركة واحدة - سوالفها مثل غالي الكيف

ياللي سوالفها مثل غالـي الكيـف
كيف النشاما في الـدلال النظيـرة
في مجلس اللي مايحسب التكاليف
مايشـري إلا الكايـدة والعسيـرة
في مجلسه يلقى المسيّر مع الضيف
ومراد ربعـه والوجيـه السفيـرة
ويا عذبة المنطق ويا دلّة السيـف
ويا عنق ريم في الفـلا مستذيـرة
سرجوفها يشدا لهجـن مواجيـف
في ظهورها فرسان قـوم مغيـرة
طرقا ليان وضامـر بالسراجيـف
وعيونها ترسل سهـوم ٍ خطيـرة
والخد برق ٍ بالدجا لـه رفاريـف
وحجّانها تشدا السيوف الشطيـرة
يابنت من عدّا بروس المشاريـف
خطل اليمين ويعتزيبـه قصيـرة
خذيت قلبي ياعديـم التواصيـف
قلبي معك مثل الملـوّح وطيـره
عاهدتني باللـي نعبـده ولاشيـف
ماتستمـع للعـاذل وتستشـيـره