السلام عليكم ورحمة الله وبركآته
مبارك عليكم الشهر والله يتممه عليكم بصحه والعافيه
معنا اليوم قصه من الماضي نشوف فيها الحب القديم الصادق
قصتنا اليوم عن مسلم الوليعي <طبعا الاسم ثاني لقب فيه بعد ماصارت هالقصه
من قبيلة جهينه العريقه ولد حول جبل رضوى شمال ينبع.
مسلم كان راعي شجاعه ونخوه وطيبه اشتهر بكسب المراجل وبحث عنها
قرر أنه يتنقل بين القبائل يبحث عن العلوم الطيبه وكسب المال واشتغل راعي للغنم
عند رجال من احدى القبائل العربيه كان عنده بنت تشتهر بالفراسه والجمال والفطنه أسمها ظبيه.
وكان لراعي الحلال لديه ذودين من الإبل فكان مسلم يرعي ذود والبنت ترعى ذود.
كلم أحدى العجايز في هذي قبيله قال انا متعلق في هالبنت بس مدري عن ردة فعلها وش سواه
اشارت عليه العجوز انك تسوي نفسك مقروووص واللي يخاف عليك هو اللي راح يمص الدم عنك
وفعلا جا وسط البيوت وقام يصارخ ويسوي نفسه مقرووص وصاحو العرب يامن يمص له الدم ومع الصراخ تسللت
ظبيه مسرعه يوم شافت انه مسلم نقزت على ابهام رجله
وقامت تمص الدم فعرف انها تحبه
وراح للبل ولحقته ظبيه وكلمها بأمر الزواج وحبه لها سمعت اخت ظبيه الكلام وفزعت لابوها وقالت له ووصل الخبر
لعيال عمها فتوعدوه رجعت ظبيه وحست انهم دروا عنهم.
فانهزم مسلم من قبيله ورجع الى لديرته برضوى ويوم وصل هناك كان له اخ من امه اسمه سويلم
تغيرت صحت مسلم فارق ضئي عينه ونور حياته ظبيه وسآءت اموره كثير وتعقدة ولايحكي لاخوه شي ماعلم اخوه باللي صار
فرآح فيه الى عجوز تداوي قالت اخوك مافيه شي بس بشور عليك بشور:
طلعه ضلع رضوى فووووق اذا كان عنده علم يبي يقوله لك واذا كان شاعر يبي يقول قصيده
وفعلا طلع اخو الوليعي رضوى واخذ معه مسلم وكان الوقت ربيع والجبل فوق سهل وله هويه كبيره اللي يطلع له
يمد نظره على مسافه بعيده ويوم طلعو فوق قام سويلم وشب النار
وسوا القهوه وللآن مسلم ما يتكلم وقال سويلم لمسلم انا ابروح اتقنص وانت خلك هنيا يبي عشان يبعد عنه ويسمعه
يمكن يقول شي وراح عنه
قام مسلم من مكانه وجا على راااس الهويه وجلس يخايل بعيونه فوق وتحت ومد نظره جهة ديار ظبيه وكأنها
يشوف الطلحه اللي كانو ينامون عندها ويتخيل ظبيه وايامها معه
وتكلم بس تكلم بقصيده والقصيده على طرق الهلاليين وطرق الهلالليين معروف و تقول القصيده :

يقول الوليعي والوليعـي مسلّـم..من دامت ايـام الصبـا لـه دام
.
لو إن عجـات الصبـا يجبرنـه..كما يجبر الجابـر كسيـر عظـام
.
ليالي الهوى مثل الربيع ليا زهى..وش حيلتـي مـا للربيـع مقـام
.
قاري قراني يوم قرصت بهامـي..غروٍصغيـر مـا عليـه لـثـام
.
قراني وهو يسفح من الدمع ناظر..هليتـه قرانـي والعيـون نـيـام
.
رقيت في رضوى ورضوى منيفه..وأخيل في عيني جنـوب وشـام
.
أخيل في عينـي طلحـة ناعميـة..سـلام يـادار الحبيـب ســلام
.
يامرتـع للنـوق تـوي لقيـتـه..في خشم و(علة) من يميـن ردام
.
ياليتنـي يـوم دنتنـي منيـتـي..بديار (ظبية) عـن ديـار تهـام
.
أنا جيتكم من راس رضوى عشيّة..كما شن غـربٍ بـاد منـه وذام


وهذا البيت الاخير قاله يوم نوى يرمي روحه من الجبل
احس اخوه انه يبي يرمي روحه من الجبل وركض عليه فعلا بس مالحق الا على عباته واخذها ونزل تحت لقى
مسلم ميت وراسه ما بقى منه الا جدايله وحزن عليه حزن شديد واخذ جدايله وحطها على
بدرره او شنه وركب الجمل اللي جا فيه مسلم من الديره اللي هو كان فيها وقال لازم اروح للمره اللي تسببت عليه
واشوفها
وفعلا راح يم ديرتهم وهو يعرفهم وسوا نفسه يدور له جمل وينشدالناس جت ظبيه من بين الناس له مسرعه قالت له
اسألك بالله راع القرون هذي حي والا ميت
قالها راعي الجدايل هذي جا مريض وما يتكلم وطلعناه راس رضوى وقال لها القصيده فما كان منها الا انها
شهقت وماتت
رجع سويلم اخو مسلم لديرته وكان متأثر بقصة الهوى هذي فتهيض ببيتين يقول فيها :



والله ما لوم الوليعـي ولـو طـااح ..من راس رضوى والعوض به عباته
.
مير اذهنوني عند هبـات الاريـااح .. لا ذب عمري ثـم اسـوي سواتـه

هذي السالفه يالاجاويد تبين الماضي الجميل والقلوب الاجمل