جيتني زعلانفي قلبك كلام
و بوسط عينيك بانت شرهتك /

بس قل لي من بدا فينا الخصام
هذي اشواقي و هذي غيبتك !

تعرفين إني أحبك و الزعل حفنة شعور
................... ما يدوم إلا بـ حب ٍ ينتهي بـ المصلحه !


المطر يغتال وقت | و وقت تنبت به زهور
................... يعني لو ما آنا جرحتك / خاطرك من يجرحه ؟!


علميني لو يخونك يوم دمعك أو يثور
................... هوّ فيه انسان غيري تقبلينه يمسحه ؟!


لو جرحتيني بكلامك قلت : من باب الغرور
................... و الخطا لو جاك مني منهو غيرك يدمحه ؟!


و لو نجحتي في بعادك صدقيني ما أبور
................... لو خسر غيري بحبك منهو غيري يربحه ؟


إختلفنا في ( زعلنا ) ما اختلفنا في الجذور !
................... و الوفا عهد ٍ علينا لو تزعزع نصلحه !


لو زعلنا اوقات شفنا حظنا فينا ( غيور ) !
................... هو حزين إنا زعلنا و جيت قلت آفرّحه


ما يفرقنا عتاب ولا تفرقنا قشور !
................... علميني في فراق اثنين وين المصلحه ؟!

للعذب / عيسى آل معيبد
آتمنى ترتقي لذآئقتكم