منتديات بعد حيي - عرض مشاركة واحدة - ][ .. ديـوان الشآعر \ خــالـــد .. ][

][ .. آه يا اللجاوي .. ][
http://www.b3b7.com/vb/showthread.php?t=102644

شاقني طيف ٍ لمَحْته يااللجاوي
.......... ليلة ٍ بدّد شقا الدنيا قمرْها .. !

وانتعش كيف ٍ تعذّب بالهقاوي
.......... من يطول اللي تعدّاني قِدَرْها .. ؟

شفتها حلْم ٍ رسمْته بالمناوي
.......... واختفت نور ٍ تباعد في ظَهَرْها !

عينها يوم اقبلَت مثل النداوي
.......... لا نوى الصيده وعَلّم في خبَرْها !

عاصفه هبّت على قلب الشقاوي
.......... عِطْرها سلّم على الروح و سَحََرْها

قدّمَت بكفوفها الكاس الرهاوي
.......... خَمْرَة ٍ سَطّل بها الشوق ونثََرْها !

ليتني نسمه تطير ابْلا خطاوي
.......... مع هبوب الريح تلعب في شَعَرْها

فاتنه عدّت على درْب الهواوي
.......... من يلومه لو تغنّاها وسكَرْها !

أحْرقَت قيفانها حرّ المكاوي
.......... يا قصيده ما قوَت تخْفي قهَرْها !

قل لها .. تامر .. تدلل ياللجاوي
.......... عمري ومالي وما تطلب مهَرْها