على الهون ياللي تاخذ العلـم وتوديـه=
ابعطيـك علـمٍ صـح ولصاحبـي وده
قبل لاسيول الشـك تجتاحـه وتغديـه=
كما سيول جده عند ما حاصـرت جـده
بخاطره شايف شي لوكـان مـا يبديـه=
وانا صاحبه ماكان يخفى علـي سـده
واظنه سِمع فيني وانا ما تسَمـع فيـه=
لاشنوا هـل النمـات هجمـات مرتـده
ولكن غريبه بي يصدق!! وكيف؟ وليه؟=
وانا درع جنبه محزمه ساعـة الشـده
بغيته يبوح بعلم فـي خاطـره يخفيـه=
ولكن على هالحال طـوّل واخـذ مـده
وانا لو عليه اخطيت كان اعتذر وارضيه=
كما اهل السلوم الاولـه جـدي وجـده
ولو انه مشارهني وانا ا قدره واغليـه=
على اقصاه مابيـن الرجاجيـل ماحـده
وانا بواردي(ن) مستحيل الهدف يخطيه=
معه في حزامه ما يكفـي مـن العـده
ومن روس قومٍ ميت النار ما تخاويـه=
ليا صد قالوا: ياعسى الصـده الصـده
وأسر الصديق بموقفي.. واقهرمعاديـه=
ويحسب حساب لموقفي من وقف ضـده
لكن صاحبي في ذمتي ما نويت أرميـه=
بغبة بحـر ماينعـرف جـزره ومـده
بغيته يعد النور لجل افتخـر وأكسيـه=
من اهل الحسا بشتٍ حساوي على قـده
لكنه سكت كن المواضيـع مـا تعنيـه=
وشمر (هل الـردات) مـا تنتظـر رده
صعيب المواقف تكشف الرجل وتعريّـه=
ولابـد مـا تكشفـه الايــام لابــده
تقول العوارف فاقـد الشـي لايعطيـه=
واقول الضعيف يموت دمعه على خـده
وانا موقفي يكفيني// وموقفـه يكفيـه=
واشوف الفجوج وساع والارض ممتـده