هاتولي معاتب ترى القلـب ملتـاع=
من حب من خالط بياظـه شقـاره
هاتوه في قلبي يزيـدن الاوجـاع=
حيثه فهيـم وفيـه فـن وشطـاره
ابيك يامعاتب وأنـا فيـك طمـاع=
يلزمـك يامشكـاي يمـي زيـاره
ابخبرك باالحـب والحـب قطـاع=
الحب يقـدح باالمحـب الشـراره
احس في قلبي من الحـب سبـاع=
يامعاتـب الخـلان فينـي مـراره
من حب من يلبس على وجهه إقناع
إليا نظرته غصـب جتنـي إثـاره
ابو عيون سـود وكبـار ووسـاع=
إليا نظرنـي هـد قلبـي إجـداره
وليا لمست الزور بطراف الأصباع=
أحـس بـن الـدم غيـر مسـاره
وليا كفخ من فوق كفي إليـا فـاع=
فوعة شجيعٍ شاف باالـذود غـاره
ون كوبرن قدام والخـرب فـزاع=
ادلى عليهن واحتكـم فـي قـراره
أطى على شانه على كـل مربـاع=
ولايهمـن مـن وراه الخـسـاره
لحدن يلوم القلب في حـب قطـاع=
قطاع طيرً يطربـك فـي إطيـاره
إليا نقلت الطيـر والبـرد ذعـذاع=
انسى جميع ارسوما ووصوف ساره