بسم الله الرحمن الرحيم

هلا والله ومليون غلا تو مانور المنتدى

بالنسبة لموضوعي اليوم باتكلم عن الزوجات اللي يهتمون بازواجهم وزوجهم مب عاطيهم وجه

اقولك ريحي نفسك ولاتعورين راسك

الرجال طبعهم كذا ====قسم بالله

انا اعرف وحدة والله العظيم بنات أتكلم جد طيوبه وفحالها ومالها دخل بأحد

حتى تمشي عالسراط المستقيم لو يقولها شو مايقول بتطيعه وبتروح تسوي بس ترضي زوجها

كانت تدلعه دلع مش طبيعي كلام حلو وتتعدل له وتتغير الغرفة والفراش وتريقه وتتصل فيه والخ


شوفوا ردة فعل الزوج من اول ماتزوج فيها وهو يهددها بازوج عليج وباييب الثانيه

والمسكينه غبيه تدليع تدليع اخرتها طالع من البيت ومب عاطيها وجه ولامقدرها

ويروح ينام برا وهاجرها ومقصر فيها ======شوفوا بنات شنو الرياييل هني

لانها طيبه ومحترمه مب مقدرها ==== طبع في الرياجيل الطيب والزين مب لهم

اعرف وحدة ثانيه متزوجة بعد ولا في كثير متزوجات ياخي شنو لسانها سليط
تعفسه عفاس علشان اذا تأخر عليها والا ماطلعها كشته او ماعطاها مصروف

وتتشرط عليه ومنكده عيشته وتضرب الولد ضرب ===ابنها ولده لا احترام ولا حب ولاشيء

قسم بالله شنو يترجاها يركض وراها ركض ===========

تخيلوا بنات الحين الطيب والاحترام ماينفع مع الرجال والله العظيم يعتبرونه ضعيفة شخصيه

وماعندها أسلوب تخيلوا وين وصلنا

يعني الاتجاه يمشي العكس عكس بما تشتهي السفن

وبالنسبة للبنات اللي ماتزوجوا لاتستعجلون في امر الزواج والله العظيم ربي راحمكم هالريايييل هالايام ماتدرين شلون صاير ين

ضمير مافي +كذب انتحال خيانة الخ تجريح اهانه ليش بعد ابي اتزوج ؟؟؟؟والله



لا والحين كله يطالعون الشكل الل يحلوة تنخطب والشينه يتركونها

لابركتن فيكم طيب الثانيه ممكن تكون مقبولة نوعا ما لا ابي الحلوة موت ذيك الزبدة

وبعدها تعرف تغسله غسال تطلع عيونه مايقول لها شيء ابد ياقلبي سلامات

بنات ===نصيحه

مني لكم اللي تبي تتزوج تتزوج واحد يحبها يصرف عليها يتعب علشانها مو تتزوج لي واحد اهلي مختارينه لي

الله ياكثر حبهم لج هالاهل ====الود ودهم الفكة منج

أي واحد طق الباب يزوجونه ======خلكم قويات


انا أقول خلكم قويات فالشخصيه مابتندمون

وظيفة سنعه ====واريح نفسي واذا جاني واحد فيه خير اقبله اذا فيه خير

مو اتهور ترى العجلة ندامة

يرب يزوج بنات المنتدى اللي ماتزوجوا بالزواج الصالح امين يارب ......