اللي حكَى بالناس لاتجلس معه=يجيك يومٍ ويحكي بك يالرفيق
ياصاحبي عن مثل هذا في سعه=حتَى ولوضاقت يولّي لوتضيق
جهات الأرض اللي نعسّه أربعة=والأربعة كلٍ لها باب وطريق
ومن يقطعك هالوقت لا لاتقطعه=تفيق خلق الله بعَد مدّه تفيق
واللي مايقنع وش تبي به تقنعه=بكرا يعَرْف الصّح لاشب الحريق
الوقت لاطاعك على المهلة طعِه=الوقت مايَعْرِف عريف وْلافريق
ومصالح الدنيا مهي عيب اتبعه=العيب والله بيعتك لاغْلَى صديق