مدخل




بدت في داخلي ضيقه عجزت القالها مطـلاع
تغيب .. وترجع .. وترجع تغيب ... ومالــها نيه




عمق





ياساقي الصدّه من عيون باكيه
وشفيك هـ الليله حزين
المواري ؟


مشيت من درب العشم لآخر التيه
وصبّيت في جوف الجفا
لك طواري


لا تظن هقوات الأمل بك : تقهويه
ماقد تقهوى غير دمع
السواري +


من يوم راح : وكفّن الدرب رجليه
ماباع له قلبٍ ولا اظن
شاري


ومن يوم راح : وصافح البُعد بيديه
ما بان من ليل الوعد له
محاري


لا توقظه حلمه / ولا تظل حاديه
خله يموت من العطش
فـ الصحاري


وإن جابتك صدفه لـ جُرّة خطاويه
ابعد وقول الشوق غاوي
وضاري


وحين الرجا ينصاه عذر المشاريه
سلّم وبلّغ حاجته :
اعتذاري


اطو الشراع وصُمّها آذان طاويه
الريح يزعج صوتها
بـ الصواري


لو للبحر قانون يحمي البلل فيه
ماكان اهدوا للبحر :
جسم عاري






مخرج

...روح وتراني مقتنع... في نصيبك...
والاَ على فرقاك ماني بضاري..

..طاري يروح وطاري اّخر يجيبك..
الله يكثر خير/ كل الطواري..





لاارواحكم النقيه