يوم الاثنين الضحى شفت لى غرو عجيب=
تحسب انها حققت بى ونا ماشوفها

لا سقى الله سدرة غصنها غصن رطيب=
حدرها شقر الذوايب تفل زلوفها

يا ثلاث بينهن شاقنى مهر عريب=
باد حيلى يوم قفت تتل ردوفها

احمر نفنوفها والعباة من الكريب=
ما تميز صبغة الساق من نفنوفها

شالها عصر الصبا والغذا بيض وحليب=
لو تجيس الورد يا سعود ضر كفوفها

ما تعنت للحطب والرشا فوق الجليب=
دايم مخدومة والعبيد تحوفها

علة الفنطاس ما يبتصر فيها الطبيب=
من عيون بالمخازر تسل سيوفها

الشاعر فهد راشد بورسلي