اقتباس المشاركة الأصلية كتبت بواسطة سرحان مصرقع بايعها الله يعطيك العافيه ولاهنت على اختيارك الاخ العزيز علينا وشمعة المنتدى صاااااحب الدم الخفيف والابتسااااامه مزيون حاااايل وش حالك طال عمرك منور الكرسي سوااااالي مؤقف ظريف حصلك ؟ وش ااااخر مقالبك ؟ شااااكر لك مقدما رحابة صدرك بردك الله يسعد اياااااااامك ويخليك لعين ترجيك خيك سرحان

هلا فيك اخوي سرحان والنور بوجودك طال عمرك

حيالله اهل الشعر والرومانسية

اخوي سرحان ولله الحمد حياتي لاتخلو من الطرفة والمواقف المحرجة والطريفة

زي ماقلت لك المواقف الطريفة كثيرة بس بختار هالموقف والله يستر لايصيدونه علي بعدين
في مرة كنت معزوم على عشاء عند احد الجيران..المهم اخوك كشخ وظبط(السكسوكة) وطق الثوب اللي على كيف كيفك والغترة اللي يحبها قلبك المهم بدلت ورحت للعشاء

المفاجاءة يوم وصلت لبيت جارنا لاحظت ان اخوك..ناسي بنطلون(التكميلة) لا واللون اصفر يعني موقف الله لايوريك لا والساري قدامي بس ابشرك من طيبته ماشافني الا واحد صار وجهه طماط من الضحك وهو كاتم الضحكة...وانا مصفط رجليي ولا اقدر اخذ راحتي يعني تخيل بس انت الموقف..المهم قلطنا على العشاء وانا من كثر ماجر ثوبي رقبتي طاحت وصار لها تمزق وخايف احد يصيدني ...لكن ربعنا اذا شافوا المفطح عيونهم تصير كنها(خيشة رز) ماحد يشوف
المهم يوم شفتهم لاهين بالحلى واخوك يقوم ويقول اكرمكم الله وماغسلت الا بالبيت

والله يا ضحك ضحكته وانا بالشارع وبالسيارة

تقول مكثر

هههههههههههههههههههههههههههههههههههههه

موقف يحبه قلبك
بالنسبة للمقالب والله اني مسالم ولا اسوي مقالب لاحد لكن دعابة لا اكثر:
بطلعة للبر قريبة كان معنا واحد من الشلة مايطيق شي اسمه بر وفوق هذا الرجال يخاف من ظله هههههههههههههههههه

اتفقت مع الشباب بمقلب مرتب على قولة اخوااننا في الصومال

خلينا واحد يسري من الشباب كنه بينزل للديرة ولكن الرجال طلع فوق الجبل وصار يقلد صوت الذيب...عاد اخوك عارف الطبخة واقوم كني فزة فؤاد كاسر خشم الاسد وقلت يا شباب مانقدر ننام والذيب قريب
وسوينا خطة وتقدمنا لجهة الصوت المهم يوم قربنا طلع الصوت مره ثانيه عاد خوينا قايلين له صوت ذيب هو الله يهداه صووته كنه صوت عنز بتولد ههههههههههههههههههه
المهم ...حطينا رجلينا لم سياراتنا وكنا مخططين وين موقع كل واحد وكل من ركب سيارته يقفل البيبان وخوينا وصل وماله مكان وجلس المسكين يطقطق البيبان والقزاز ويتشحدنا نفتح له وخوينا خربها وجاك يركض وهو لابس الفروة وقالبها ههههههههههههههه

عاد فيه ذيب يركض على رجلين هههههههههههههههه وخوينا يركض والذيب وراه
هههههههههههههههههههههههههههههههه

عاد خوينا بعدين يقول من الخوف ماتخيلت هو ذيب اسد ضب يقول قلت العمر يا شامان وصرت اركض ومن الخوف بغى ياصل بيتهم
اسف للاطالة وان شاء الله الموقف والمقلب اعجبتكم