اكثر جروح عشاق المحبه تشابه...=وانت جرحك بروحي ما خبر له شبيه
بعض الاحباب يسطي في ضميري عذابه..=كل ماراح عني قمت ادور عليه
بعض الاحباب احبه حب قلبٍ واهابه..=كن عيني تبيه وخافقي ما يبيه
بين همي وهمه بالمحبه قرابه...=ما يقاضي ذكي القلب غير النبيه
كل ما اضمر كلامٍ في ضميري درى به..=قبل ابيعه لقيته بالخفا مشتريه
اعند الخلق لكن جابه الحب جابه..=احسبه في يديني واثرني في يديه
بيننا مثل مابين السما والسحابه...=يحتويني بحبٍ صادقٍ واحتويه
لو تبوح العيون اليوم سر الغلا به..=قالت عيونه الثنتين لي مت فيه
ما مشيت بطريقٍ صاحبي ما مشابه..=قبل ينوي يجيني اسبقه بي واجيه
طاب وقتي وطاب الحب لي بالهنا به..=فطرة الحب ما تدمح خطا مفتريه