عندي حبيب فيه كل المزايا = فوق الشهامه اشهد انه دميره
له ضحكة تسوى سواة وسوايا = ورزة عقال ماهي لحد غيره
وغمازتين هناك صوب الشفايا = ونظرات عين يالخلايق خطيرة
ودي اشوفه كل لحظة معايا = عيني بصيرة وبس اليد قصيرة
صرت المحة في عين كل الزوايا = واموت لا جا ذكره باي سيره
اترك عشانه كل عمري ورايا = وابني لهه بوسط الحشا الف ديره
سبحان من خلى الحسن فيه آية = قلبي هواه ومدري وش هو مصيره
من يوم شفته والوصل صار غاية = ورسمت في لحظة أماني كثيرة
واظنني تناسيت كل البلايا = وعيوبه صارت في عيوني صغيره
كحيان ومنتف قليل العطايا = بس أشعر بقربه بأني أميره
يرمي سهام العشق أحسن رماية = وينيشن قليبي وينثر عبيره
كم مرة يحلف ماله سوايا = ولا جا يناديني ينادي أميره
لكن احبه يا بلاه وبلايا = وابقى اتحمل سلبيات كثير
لاني وهبته الروح واجمل هدايا = حبي مع اخلاص على شوية غيرة
وصرت اعذره واهيم به في عمايا = واقول يرجع لي ويعقل مسيره
جنن قلوب الناس واحلى الصبايا = وعذب لي قليبي ملعون خيره