جتني نهـار العيـد تطلبنـي آبـوح
يالله عسى بوحـي يخفـف كدرهـا
يا الغاليه وسط الحشى منك مذبـوح
نفسي من الفرقـى غلاكـم جهدهـا
حبك بقلبي يالمهـا دونـه صـروح
ما غيرك احد(ن) ياعيونـي سكنهـا
القلب لـك يامنيـة الـروح مفتـوح
مشاعـره يمـك تضيـع بعـددهـا
حالي هزيل(ن) منكم الصوت مبحوح
ردي لـي الفرحـه غيابـك سلبهـا
مالي بغيرك يأجمل الناس مصلـوح
يقولهـا اللّـي لـك حياتـه وهبهـا
أمرك مجاب ولو تأمـرت مسمـوح
مثايلـك حـق(ن) يلبـى طلبـهـا
ما احلي دلال(ن)خالطه ضحك ومزوح
تنسي عيونـي لا ضحكتـي تعبهـا
كلمـة احبـك تشفـي الآم وجـروح
ياطيـب فالـي دام ثغـرك نطقـهـا
ليتـه يميزهـا تفاصيـل وشـروح
فعل(ن)مـن امثالـك يثبـت عمدهـا
هذا قصيدي جاكـم اليـوم مفضـوح
نار الهـوي قربـك يطفـي لهبهـا
يا فرحة الاعيـاد ردي لـي الـروح
فرحـة لقانـا لا تمـوت بمهـدهـا
عشوق