من زود همي كل رجـمٍ رقـيته=
=واقنب من الفرقى كما الذيب سرحان
على حبيبٍ طول عمري رجيته=
=بيني وبينه حالت حدود واوطان
سافر وانا بدموع عيني بكيته=
=عزّي لعينٍ فارقت شوف خلان
ناديت عقبه للفرح مالقيته=
=غاب بغيابه وامتلى قلبي احزان
غالي حبيبي نور عيني فديته=
=وين الزمان اللي معه كنت فرحان
اللي بغاني بالحلال وبغيته=
=على العهد وافي ولا هوب خوان
والله لو يطلب عيوني عـطـيته=
=وأمشي على دربه ولانيب ندمان
ماغيره أحدٍ في حياتي هويته=
=ولايمكن بقلبي يجي غيره انسان
انا حبيبي داخل القلب بيته=
=يسرح ويمرح بين قلبي والاعيان
لاواعذابي كان حلمٍ بنيته=
=تلايمت فيه الزوايا والاركان