تعـالي وقتــلي فينـي بقايا لعنــة الايــــام= تعــــالي والشقـا باع الظلام وعــاش بأهدابـــي
تعالي والامل زادي سنين ولاضميت أحـلام= تعـــالي وأنظــري صمتي يسامر بالعنــا ترابـي
تعالي سطري فيني بقايا عيشتــــي بأوهــام=تعـــالي والـوهم أرحــم من السجـان والجابـــي
تعالي ملت حروفي تســامر بالخفا أصنــام=خيالك...صورتك...وأزهار ماتت في ثرى كتابي
تعالي والصبر خان العيون الصابره أعوام=عجـــز حـده يــداري نبــرة الأشواق بخطابــي
تعالي وأرسمي كلي تعالي والضلوع أقلام=رسمـت بســود حانيها آلم وآهــات مضرابـــي
تعالي شوفي الذكرى تحاسب خطوة الأقدام=سنين أمشي على شوقي...ولافارقـت أعتابــي
تعــــالي والشعر نادى تعالي روعة الإلهام=تعـالي وإن تعذرتي يمـوت الشــوق بغيــابــي