حال خلي تغير صار مر مرير=عقب ما كان بلسم والوفا صاحبه
ليلته من آلمها ريحها زمهرير=والضحى يا شقاته شمسها ضاربه
كنت معه الوفا طبعي لنسمة عبير=احرسه عن عيونٍ شوفها راهبه
في عيوني ربيته وبغلاته كبير=حتى خان المحبة والزمن خان به
كان لا غبت عنه لو ثواني يغير=وكان لا غاب عني اجلس اعاتبه
كان بين الحنايا له فراش وثير=فيه يرمي همومه حين ويداعبه
اتذكر لقانا من فرحنا نطير=نحترق ../والمشاعر ذايبه ذايبه
كنت كلي حياته واه شئٍ مثير=وكان لي في حياتي حفلة صاخبه
كنت لأجله سحابه فوق سودة عسير=وكنت لأجله شواطئ بحرها فاض به
آه يالجرح لما ساء فيه المصير=رغم بعده لغيري خافقي ضاق به
كل مابه تغير للأسف غير غير=دمعته طول ليله ساكبه ساكبه
صدق باقي بقلبي فوق عرشه امير=بس مالي وصايه كيف انا اخاطبه؟
يالله يارب بدل./حرها والسعير=بالهناء والسعادة لروحه الغاربه