اولا كل شخص يمثل نفسه وكل شخص له روحه وطباعه وعيوبه ومميزاته الخاصه فيه يعني بالنسبه لي انا امثل نفسي لأن لي روح خاصه فيني, لي القالب الخاص اللي تسكن فيه روحي, لي عقلي الخاص اللي افكر فيه واعضائي وجسدي الخاصه اللي محد يشاركني فيها, ومن بدأ الخليقه الى ان ينتهي العالم ماراح أخلق الا مره وحده , ولا راح يكون غيري أنا وماراح أكون 2 او 3 لأن الروح وحده ,والمرجع الاول والأخير للروح فلو مثلاً روحي انتقلت لجسد ثاني راح أضل أنا هي أنا حتى لو كنت بجسد ثاني وحتى لو حملت ذكريات مختلفه وعقليه مختلفه ,وهذي الروح خلقت ليكون هدفها بالحياة العباده والاجتهاد للفوز بالآخره ,

وبالنسبه لكوني أنا احب مهنه محدده او شخص محدد بالقول فقط بدون الفعل فهذا لا يعني اني انا امتهن هذي المهنه او انا هذا الشخص وطبعا مستحيل اكون هذا الشخص لان سبق وقلت لك ان الروح وحده فممكن اكون هو من باب التشبيه مو من باب الحقيقه .

بالنسبه للأشخاص خلف الشبكه العنكبوتيه كل شخص وضميره يعني ممكن انه يقتبس شخصيه ثانيه او يمثل دور الشخص الصالح(لاحظي اني قلت اقتبس+مثل وما قلت انه اصبح شخص آخر) وهو بحياته العامه عكس ذا الشي تماماً ولكنه بالنهايه يمثل نفسه , أخيراً..أنا هي أنا, وأنتي هي أنتي ليس شيء آخر.

شكراً ع الموضوع..تقبلي فكرتي ووجهة نظري وتقبلي مروري ..