اتمنى ان ترتقي لذائقتكم
ضعنا وضيعنـا السنيـن الطويـلات
وانا عـرف كـل الـذي ضيعونـي
لاشك اسامحهـم علـى كـل مافـات
لأنهـم رغـم الضيـاع اسعـدونـي
اعوام قضيتـه وانـا منكـر الـذات
ارضيت رغباتـي ورغبـت جنونـي
اطعـت نفسـي بالهـوى والملـذات
ونفـذت ماملنـه علـي الشجـونـي
عشت بشمال المملكه في زمـن فـات
احلـى ليالـي شاهـدنـه عيـونـي
قضيتهـا بيـن الحفـر والقـريـات
وغنيت في رفحـاء جميـع الحونـي
الله واكـبـر لوتـعـود الونـاسـات
ايـام لـو نرجـع لهـا رجعـونـي
ايـام لـه داخـل خفوقـي علامـات
ولـه ذكرياتـن باقيـه فـي عيونـي
بديار رفحاء عاش حبي وبـه مـات
ومعه انتهت قصـة شقـاي وجنونـي
وطويت صفحات الشقا عشر مـرات
واقفيت تنزف بعـد موتـه طعونـي
واليوم جيت امشي على الجرح بسكات
اوادع الــي بسـفـر وادعـونـي
باقي على وقت السفر خمس ساعـات
فرقـى وكانـه طولـت سامحونـي
وان قيل ابو ساهر بعد غيبتـه مـات
يلـي حضرتـو جثـتـي كفنـونـي
وحطو على قبري شهـود وعلامـات
من شان عشـاق الهـوى يذكرونـي
من شان عشاق الهوى خـص بـذات
تكفـون بديـار الشمـال ادفنـونـي
وخلو سهر تنثر على القبـر عبـرات
تسقي ثـرى قبـري ليـا فارقوني
ابو ســاهر