متواضعة أتمنى أن تحوز على رضائكم:

[poem=font=",5,red,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""] هلابك ياحبيبي والمحبة كل يوم تزيد=ولاهم(ن) حكي عاذل ولافكرت بشعوره
أحبك تكفي أن قلته بلا تفلسف ولا تعقيد=وأنا أفهم شروط الحب وأتقيد بدستوره
أحبك يوم أقوله تشعر بصدقه ياأغلى الغيد=وإذا فزت ضلوعك من غلا والله معذوره
وراها قلب يعشقني مثل عشقي بلا تحديد=يحدد كل شيء ألا الغلا ماياصل بحوره
حبيبي ليش نتخاصم ونقلب ليلنا تنديد=ترى مافيه شيء يستحق الحزن وحضوره
أنا أتضايق ألا مني سمعت بصدرك التنهيد=أجل وشلون لاشفت الدموع بصدق منثوره
إذا ناوي عتب أعتب ترى بعض العتب تضميد=جروح القلب ما تبرى إذا بالقلب مستوره
حبيبي والله أني ماأبي غيرك وشوفك عيد=شف أشعاري إلا غنت تغني فيك مغروره
وإذا ذنبي غلاك الذنب هذا زادني تمجيد=حبيبي والذنوب بحضرة العشاق مغفوره
هلابك ياحبيبي والغلا لامن حضرت يزيد=يرحب بك حبيب(ن) مايعرف الكذب بشعوره[/poem]


بقلمي/ فلاح العايد