مهداة للأخ/ حمودبن نايل بن طوعان السويدي الشمري واللذي عفى عن جاره لوجه الله تعالى


http://www.b3b7.com/vb/showthread.php?t=55952

1 خير البدايه في ذكر حلال صعبـات الأمـور=
الواحد الفرد الصمد حي(ن) على خلقه بصير
2 يقول جَلَّت قدرته أحببكم العبـد الشكـور=
والمبتلاء والمحتسب للعفـو بالوضـع الخطيـر
3 أبشر بخير وفي رضاء الرحمن يالعبـد الصبـور=
جلّ جلاله جابر العثرات والعظـم الكسيـر
4 كَرّم وعَلَم باالقلم خير المـلاء والعلـم نـور=
من بعد ذكرك ياإلهي هاض مكنون الضميـر
5 زادالفخربأهل الشَرَف تشريف وأفراح وسرور=
تشريفكم للحفل وأهل الحفل مقـداره كبيـر
6 بدع المثايل شاقني قـدر ومعـزه للحظـور=
لو حَيََّرَتْ غيري بعـون الله فكـري مايحيـر
7 شعار شمر يوم قمعة بيـد شيـخ(ن) مايبـور=
يوم الفطاير ناركود أبكـار ياإشتـب المثيـر
8 أسلم وسنجاره هلي والناس مافيهم قصـور=
وعبده سناعيس الجبل ربعي لياصاح النذيـر
9 من دون قاصر في جميع الناس والكذب معثور=
طيور الفلاح مقسمه والمرجله دربـه عسيـر
10 نقش(ن)على صم الصخريبقى على مر العصور=
أفخر وأفاخر وأفتخر بك يازبـون المستجيـر
11 أبفتخر بحمود إبن نايل وكم غيـري فخـور=
إبن السويدي موقفه هذا فلا عمـره يصيـر
12 موقف تفاصيله فخر من لا أفتخر فيه محـرور=
وشمر لهم تاج الشَرَف بالعهد الأول والأخيـر
13 قدرآل سويد للابت إبن هذيل وآفين ال شبور=
وإبن هذيل أكبردليل العلـم بشـداد البعيـر
14 عصلاء عمودي روس شمر والطناياء بالصدور=
ماهي غريبه ياهل الطولات والفعـل الشهيـر
15 تقول سجن الجار ماهو لك ولو دمك يفـور=
ولا تسولـف بـه عبـاد الله كبيرولاصغيـر
16 نرفع لك البيضاء يابن طوعان والفعل مخبـور=
نبع المكارم من جبل شمـر مسيلـه والمحيـر
17 عفوك لوجه المعتلي ماهو على شأن الظهـور=
الله يعفو عنك يابـن العـم ويجازيـك خيـر
18 من شفت باب الجار مجفا قلت سبب لك فتور=
من قو بأسك ياعريب الساس ياريف القصيـر
19 تأمر وتبشرلو يشال الباب من حـد الجسـور=
المصطفى وصى بسابع جار ياالوجـه السفيـر
20 يالآدمي دنياك لـو زانـت تواليهـا دبـور=
العمر يفنى والعمل يبقى ولـو طـال المصيـر
21 ننسا وطبع الناس تنسا إنه على نقطـة عبـور=
إلى الصراط المستقيـم الخلـد وإلازمهريـر
22 الله عطانا نعمـة النسيـان والدنيـاء مـرور=
تفجع ولا تجمع ولا ترحـم غنـي ولافقيـر
23 يارب تجعل بيت راع الجود باالعـز إمعمـور=
شرفت هامات الشَرَف إخوان نوره والوزيـر
24 وفيت يوم أعفيت يعفوعنك تواب(ن) غفـور=
الله قَـدَّر ثـم قَـدَّر مايشـاء والله قـديـر
25 يالله تعين اللي صبر وتعـز وافيـن الشبـور=
ياشعب أبومتعب تواصوا خير بإخلاص وضمير
26 المعذره ياالسامعين إذا حصـل منـي قصـور=
وأزكى صلاة الله على خير الملاءالهادي البشير