1 لا إله إلا اللـذي نـور وجهـه مايغـاب =ولا إلـه إلا أنـت عالـم خفـى غِيّابهـا
2 ولا إله إلا أنت نخشى عذابـك والعقـاب =نرتجيـك إرضـاك ياالمعتلـي وأسبابـهـا
3 معطـي الجنـة لعبـدك ومالـذ وطـاب =والمصائـب تعلـم أسبابـهـا وأطبابـهـا
4 ولا إله إلا أنت أنزلـت طيـراً كالشهـاب =طيـر أبابيـل وسجيـل فــي مخلابـهـا
5 دَمَر أهل الفيل والفيل وأصحـاب الحـراب =إنّـا للبيـت إلــه يبـيـد أحزابـهـا
6 لا إله إلا الله إثنـي عشرحـرف أحتسـاب =كرروها كم وكـم هـي بنطـق أعرابهـا
7 كل حرف ٍ يازن الكون كلـه والهضـاب =معجـزات المعتلـي للـمـلاء بكتابـهـا
8 باالعدد والأبجدي لو قـراه الطفـل شـاب =ألق ياموسـى عصاتـك ولا تخشـى بهـا
9 يرتهب من هيبته راهـب الرعـب إرتهـاب =خاب كيد أهل الضلاله وحـزب إرهابهـا
10 شَرَف الله دين الإسلام ماهوشـرع غـاب =قتـل نفـس(ن) مؤمنـه زمهريرأعقابهـا
11 ولا إله إلا مغيـث الصحـاري والـدواب = ولا إله إلا أنت من بعـد طـول إجدابهـا
12 ولا إله إلا أنت من يلتجي بـك مايخـاب =خاب من كذب رسول الهـدى وخطابهـا
13 ولا إلـه إلا مجيـب الدعـاء والإطـلاب =ولا إله إلا أنت حقـا ً وأنـت أولـى بهـا
14 مرجع(ن) ٍيوسف ليعقوب من طول إغتراب =حَمّودمع الحزن يحـرق عيـون(ن) صابهـا
15 رحمتك ياعالـي الشـأن ومديـر المهـاب =أبصرت عيـن(ن) كفيفـه بريـج أحبابهـا
16 بقدرتك موسى ضرب بالعصاءالبحرإستجاب =عن يمينـه عـن شمالـه كشـم هضابهـا
17 البحر والموج مـن خشيـة الله إستـراب =رحمتك تسبق عذابـك لمـن يحضـى بهـا
18 إنقلب موج الغضب فوق فرعون إنقـلاب =جل شأنـك شافـي أيـوب بعـد أتعابهـا
19 ولا إله إلا أنت لطفك بنـا حيـن المئـاب =ولا إلـه إلا أنـت لاملتجـأ نلجـا بهـا
20 الأبو والإبـن ماكـن لـه فيـه أنتسـاب =شاخصات(ن) كل الأبصار وش تجزى بهـا
21 غير حسن إرضاك مايطلب العبد إكتسـاب =يـا إلهـي جـنـة الخـلـد ترزقنابـهـا
22 الفقيرلرحمتك وكّـل أمـره لـك وأنـاب =في ركوعـه فـي خشوعـه وفـي محرابهـا
23 سلم أمره لك إلهـي تقـرب وإحتسـاب =ولا إله إلا الله أمـوت لـه وأحيـاء بهـا
24 يامعز إتعز الإسلام مـن شيـب وشبـاب =وأهلك الكفـار وأهـل الجهـل وأربابهـا
25 وأهدنا للخير وأصلح لنـا عـن مايعـاب =نجنا مـن غـزو الأفكـار لا نبلـى بهـا
26 ياعبـاد الله توبـو فمـن تـاب يـثـاب =رحمة الله كـل حسنـه بعشـر إحسابهـا
27 كم وكم تلهيه طفـره وسفـره وإنتـداب =كم وكم عنـد المشاعـر ولا صلـى بهـا
28 كم وكم يلهيه عـن طاعـة الله إكتتـاب =وهادم اللـذات عنـد الوريـد إنصابهـا
29 يا أخي دنيـا غـروره وتغريـك إنجـذاب =تضحكك تبكيك توحـي لـك إستتبابهـا
30 سرع ميلتها بعد ضحكهالـك باالعـذاب =الله الله ماتسـرك بضـحـك إعذابـهـا
31 فتنة الدنيا كمـا كيـد تلعـات الرقـاب =يابـداء مـن حسنهـا مايليـق إعجابهـا
32 لاإنفتح لبليس فرصه رماءالمؤمن وأصـاب =ياتولـى قلـب مؤمـن لعـب بأعصابهـا
33 كم وكم ينساب شره مع الناس إنسيـاب =الله كـم شلفـاء تسنونهـا وأدلـى بهـا
34 والمصيرالدرك الأسفـل حميمـاً وإلتهـاب =طاعتـك ياهـادي الخلـق تصلحنابـهـا
35 ويش جاب آدم من الخلد لتراب وعـذاب =طاع رآي إبليس يبغى القـداء وأخطابهـا
36 أغضب الرحمان قال )أهبطو حتى المئـاب=(إنـا إبليـس عـدو البـشـر وألبابـهـا
37 الله الدايـم وغيـره ذهـاب فـي ذهـاب =كم حضـارات لأمـم تعرفـون ألقابهـا
38 مابه إلا البـوم يوعـد عليـه الإكتئـاب =والخفافيـش الكفيفـات تكتـنـا بـهـا
39 لا تناساء ضيقت القبـر حيـن الإكتـراب =الله كم عين(ن) بكت لك وقـف سكابهـا
40 ياكثر ناس(ن) تناساك لـو ذكـرك يجـاب =وقسمت الميراث ياقـل مـن يرضـى بهـا
41 صالح الأعمال يبقـى وغيـره سـم داب =والرصيـد اللـي تركتـه كثـر نهابـهـا
42 الله كم إرث(ن) فََرَق شمل من بعدإقتـراب =وأنت في حال(ن) عسى الله يفـك أنشابهـا
43 مالك عن الموت لو تعتلي فـوق الضبـاب =ماتنجـي ناطحـات السحـاب كلابهـا
44 إعمـل بدنيـاك للآخـره دار المـئـاب =والحرام ورغبـة النفـس لا تشقـى بهـا
45 الله أنزل محكم الذكـر مامنـه أضطـراب =لأحمد أطهرمن مشاء فـوق سطـح ترابهـا
46 والله إن الذنب حنـا إرتكبنـاه إرتكـاب =توبتـك ياغافـر الـذنـب تسترنابـهـا
47 إرحم المَيََِّت والأحياءقبـل يـوم الغيـاب =ساعة(ن)مانرتجي شوف شخص(ن) غابهـا
48 مالعبدك غيرعفوك جـواب ولا إنسحـاب =وإبن عبدك قـد نساهـا وهـو جلابهـا
49 لا تعاقبني بنفسـي علـى نفسـي عتـاب =الجهـل والنفـس وإبليـس وهقنابـهـا
50 طالبك تغفر خطانا قبـل كشـف النقـابولا إلـه إلا أنـت حسنـاك تشملنابـهـا
51 لطف عفوك ربنـا مالنـا عنـه إجتنـاب =والعبـاد بفضـل عفـوك تحـث إركابهـا
52 ومن صدق بالقول يارب تجـزاه الثـواب =وكل داعي خيـر مـن حكمتـه وآدابهـا
53 ولا إلـه إلا مجيـب الدعـاء والإطـلاب = ولاإله إلا أنت معطـي الحقـوق أصحابهـا