مسآء الخير


استمتعت بهالقصيده للشاعر نواف الشرمان واتمنى تعجبكم

نظرة عيونك ياحبيبي بها شي
ادخل على الله لا تناظر (عيونك)


أخطيت ممكن !! بس ترى يابعد حي
ماعدت أطيق الكون لحظه بدونك


أغليك إفهم..وإفهم (أغليك)وش هي ؟
كلمه عطيتك وارخص الراس دونك


عادي تغلى ..رح تثيقل ولاشي
أطيش في طيشك ..وأضيع بجنونك


بس بـ (أمانه) لالفوا لك....كذا عي
قل لي حبيب ..وعهد مني أصونك


شف هالمحاني تنتظر قطرة المي!!
بلل عروق(ن) ترتجي من مزونك


عامين ماعاشت زهور(ن) بلا ري
الصدر أجدب والرجاء في هتونك


وأنا أتذكر كل ماقلت لي بي
جرحٍ تشيله ..قلت فيني طعونك


وانت اتذكر كل ماقلت لك في
ناس ٍ تخون ..ترد والله مـ اخونك


واقول لك أمر حبيبي على اي
حاجه وتفدى ياعيوني عيونك


(غرشوب)يا(غنوج)يا(شمعة الضي)
ياكثر ناسٍ ف الملا يعشقونك


بس اقسم اني لأقهر الميت والحي
غصب (ن) عليهم ب(آخذك)لو يبونك


فديت فمك لانوى فيني الكي
بمبيسم(ن)يغري وصفّة سنونك


فديت جدك لاتنخّيت في طي
أنك تراجع في حسابات عونك


اما تجي..والا الترجي ماهو لي
حرام ل امشي واترك الكون كونك






وسلآمتكم

:
: