تذكرتك وانا في مهمهن مابه ونيـس ونـاس=ماغير النجر ابو ساقٍ قصير ودلة الرسـلان
قدحت بوقدةٍ يومي سناها فوقهـا المحمـاس=اسوقه سوق بين ثنين والثالث عويـن ثنـان
ليامنه تسرب ريحت البـري مـع النسـاس=تشادي ذود شعلن ماخلطهـا ثانـي الالـوان
عقب دقيتها باللي يشـادي دنـة الاجـراس=ليادقت لعباد الصليـب بحضـرة الرهبـان
طبخته فوق نار السمر ريحه يصعط الانفاس=وفهقته عقب زانت واستوت ياسيـد الخـلان
عقب ماخذت من كيف النشاما سلسبيل الراس=تذكرتك وعضيت الشفايف عض باالاسنـان
عليك الله ومانه بس وحدك يا شقيق المـاس=تذكرني بها القمرا ونفحات الشمال احيـان