صباح ومساء الياسمين
....
ابنفجر من حدة الكبت والشوق ..
الله حسيب الحب يوم امتلاني ..

ما كن لي غيرك بهـالكون مخلوق ..
مـ أقدر ولو إنك مع إنسان ثاني ..

كل ما تشجع قلبي وقال أبفوق ..
يرجع عليك وأشعر إني أناني ..

ادعي لي أنسى وارفعي ناظرك فوق ..
حتى تطيح الذكريات الأماني ..

والغيم يشعل فرحه رعود وبروق ..
واستمتعي بي كثر مـ آنا أعاني ..

أبغى أتسمع لك تقولين لي روق ..
ما عاد باقي شيء قلبك نساني ..

هذاي أشوف لمولدك مزنه تلوق ..
يكفي مطر دمع المحبه ملاني ..

لا تنفجر من حدة الكبت والشوق ..
لو مو عشانك يا حبيبي عشاني .. !

متفرقات:

(1)
ان قل واحد زاد واحد مـ افرقت ..
والحياة تدور والفرقا تدور ..
وإن جبينك من فعولك مـ اعرقت ..
فـ اعلم انك من دبور إلى دبور ..
(مـ انزلت فيني حياتك لا رقت ..
دامنا مـ احنا خشارى فالقبور ..)

(2)
يوم حلمت تنجب جابت بنيه ..
حظها المنكوس ما معها تجمل ..
هي كذا الدنيا والأحلام الغبيه ..
حملوها فوق ماهي اتحمل ..

(3)
لا تستبيح الغرام فقلب معشوقك ..
واحذر تعانده في شوقه وتلطيفه ..
كل ما تحس إن حبه مو على ذوقك ..
تذَكَّر إنه يحبك مو على كيفه .. !

(4)
عانق سحابك وإلتقي به على خير ..
دام الوصل والبعد صار متساوي ..
لا تسأل بفرقاك فيني وش يصير ..
الأرض رحبه والدعاوي تداوي .. !

.......
لرقي ذائقتكم العذبه