غرور ياليت تكبرين خطتس مادري ليش ماشوفه يمكن من جهازي وابيك تلاحظين ان المنتدى يدخله كبار السن وياما قلت لكم ان عيوني صغار كنها بنكرياس ((بريعص)) وبرضوه تصغرون الخط صحيح فيه اعضاء ماشاء الله عليهم يشوفون القمل فى الراس الاسود فى الليل بس برضوه لازم يكون فيه مراعاه لمشاعر الاعضاء العميان اللى زى حالاتنا جلست نصف ساعه ابى اقرا سطر ماقدرت صاير كنى من حقين العسه اخر الليل اذا جاء يقرا رخصة واحد ماسكينه مع العلم انهم لايقرأون ولا يكتبون

اذا مافيه امل تكبرين الخط ياغرور ممكن تكتبينه لنا بلغه العميان برايل نقطى مشاركاتك وحنا بنتلمسه وبنعرف وشلون نرد عليه بس بهذا الحجم للخط ماقدرت انسدحت تحت مشاركاتس وجبت مرايه مقعره وحطيتها فوق المشاركه برضوه مانفع اقل شى لونك داهنته بسدر ولا حطيتى مشاركاتك فى تنكه قاز يمكن تنتفخ الحروف ونقدر نقراه

والله صارت حتى الردود طراره علشان الواحد يشوف رد لازم يطر ويشحذ صاحب الرد علشان يكبر الخط الله يرحم زمان بعد حيي اول ايام مثل السحلية حورية حايل واجودية وشباصاتها وابو صالح وعشوق وبنت الهيلا كانوا اذا كتبوا موضوع تقراه وترد عليه وانت فى اخر المقهى من كبر الحروف وكانوا يكتبون مواضيعهم بفحم معسل ولا يستخدمون اى مساعدات ومن يوم يكتبون الموضوع وهم جالسين فيه مايطلعون منه الا اذا ترحل للصفحه الثانيه وكانو يباشرون على الاعضاء اللى يردون ويقدمون لهم مساعدات ويوضحون بعض الجمل اللى تحتاج ايضاح لكن الان اشوف بعد حيي تغيرت وكل مالها وتصغر مواضيعهم وحروفهم والله يستر لايجى يوم ونشوف مشاركات غرور مكتوبه بالحبر السرى

المشكله ان غرور من اضخم واكبر البنات ووزنها من النوع اللي تسمع مشيها اذا مشت بالدور الثاني وانت بالارضي كنها تتوطى((خوص)) ومن بعيد اللى يشوفها يحسبها بقرة الشيوخ من كبرها انا اول ماشفتك ياغرور فى مكتب التسجيل بالمنتدى قلت يمكن الساري رايح زياره لمشروع المراعى وجايب معه بقره هديه ثم قلت لا يمكن انه مساهم فى اكتتاب المراعى ولا رجعوا له الفائض من المساهمه ورجعوا له بقره بدالها لكن يوم قربت منك قلت لا والله هذى حرمه بس قلت يمكن انها المانيه او دنماركيه لكن طلعتى يمانيه من الحوثيين يا غرور ومع كل هذا الضخامه فيك تكتبين مشاركاتك بحروف صغار صاير ردك كنه نمل متجمع على قشامة فصفص

ارجع واقووووووووووول كبرى الخط ياغرور اقل شى خليه كبر المزرعه اللى حاطتها فوق راسك خابر اليمانيات يحطون شجر ونباتات فوق روسهن

تشاااااااااااو وبغيب عنكم شوياات لانشغالي بشوية اعمال يبغالها تفرغ وبنرجع باذن الله بعد تكبير الخط ورش المنتدى بالبف باف