أنــا تــل قـلـبـي تـــل جـيــبٍ بـعــد تشـيـيـك=تـحـَـتْ واحـــدٍ مـــا وفـّـــره وقــــت مـقـيـالـي
تحَـت مطلـق اليمنـى تمنّيـت لــو يعْـديـك=جسـورٍ علـى درب المخاطـر والاهوالـي
جـدع عمـره الغالـي بالاخـطـار والتهلـيـك=ودرب الـخـطـر خـــلاه لـلـجـيـب مـدهـالــي
اليـا بـدّلــه لثنـيـن فــي لحـظـة التحـريـك=تشوفـه علـى ثقلـه عـن الارض ينشـالـي
سوى الجيب عن كل المراكيب ما يغنيك=عـلــيــه اللهْ اكــبـــر لـلـمـهـمــات شــيــالــي
يـزبّـنـك فـــي قـطــع الـفـيـافـي ولا يــوذيــك=ويصبـر علـى جـورك وفـي كـل الاحوالـي
بـرك للحـمـل ثــم اعـتـدل لــك ولا يشكـيـك=ركـــا وارتـكــا للـحـمـل مـــا هـــوب مـيـالـي
ســـرى واتـجــه يــــم الطـيـاهـيـر هـذولـيــك=يـبـي يقـطـع الـوعـرات فــي لـيـلـه الـتـالـي
تـرهَّـى وقــال لحـاجـة الـيـوم انــا شـاريــك=تـحـمـّل وغـيــر الـيــوم لـــه ألـــف حـلالــي
وكنه حلف واقسم على موتره ما اعطيك=سوى اثنين لين انك تروّس علـى عالـي
عطاه الدبل مـع صالـي النـار مـا يمديـك=تراعـي جهامـه طـار جـاه اشهـب اللالـي
رقـا وانعـطـف غـطـّاه رمـلـه نَــوَى يِغْـدِيـك=وكـنـّه تلـحّـف لــه عـــن الـعـيـن بـجـلالـي
بجذع النفود اليـا ضـرب بالشكـل يغْريـك=تـمـثّــل بـشـكـلـه تــقــل مـخـبــاط شـعـّـالــي
حـــرارة اقـــزوزه كـــل مـــا لـقـّمـه تـشـويــك=تـجــاذب جـهـنـم بالمكـيـنـه لـهــا صــالــي
اتـشـبّــه كـنـاديـسـه الـيـاصــارت اتـْوالـيــك=كمـا جمـر الارْطـا بيْمِنـه تشعـل اشعـالـي
على اللي سبت قلبي وعقلي بلا تشكيك=عــنــودٍ عـنـيــدٍ شربـكـتـنـي بــــرت حــالــي
لعـوبٍ بلتـنـي دون كــل الـمـلا تسبـيـك=بلتـنـي بعـمـري يـــا عـســى مـالـهـا والـــي
ألا ليت سهمٍ صابني منك ما يخطيـك=رميتـيـن فــي سـهــمٍ بـــلا شـــك قـتـالـي
ويالـيـت كــل العـشـق فــي آآآخـــره تمـلـيـك=عـلـى شــان مــا يتـْـكـرر العـشـق لمثـالـي
الـيـاصـار لـــك خـــلٍ تـعــزّه ولا يـغـلـيـك=وصبرك نفـد مـا بـك مـن الصبـر مثقالـي
تجمّـل وجنّـب مـا يـذكّـرك فــي مــاضـيـك=وقل من نساني ما خطرْلِـي علـى البالـي