أدري تدوس القلب بأسم المعـزه =
وبأسم الغلا دايم متعب(ن) حالـي
إحساس شامـخ ياكثـر ماتهـزه =
وآشك إنه بالنكد خاطرك سالـي
أول علـى طريـاك آفـز فـزه =
دايم معي عايش حتـى بخيالـي
ماكنت أشوفك غير هيبـه ورزه =
قلبي فـدا قلبـك وللقلـب والـي
اللحين حالك غير . والقلب عزه =
ماعاد تفرق بالغلا . كنت غالـي
حبك على فرقـاي حـاول تلـزه =
إنسى وإقسى وشوف واحد بدالي
همي علي نفسـي وقلبـي أكـزه =
رضيت ولا عصيت هاذي احوالي
في هاذي اللحظة وهاذي الحـزه =
ودعتك الله ترا بقطـع وصالـي
هذا جزا منهو شموخي يستفـزه =
نفسي لها مبدأ والـراس عالـي
ماينحني راسي وطبعـي العـزه =
دامي ولد شمـر مايـل عقالـي