وجهك يذكّرنـي بزينـات الايـام=
ادخل علـى الله لاتفـارق عيونـي
ان فارقت عينـي محيـاك مانـام=
ويضيق من فرقاك يازيـن كونـي
انت الامل وانت السعاده والاحـلام=
وانت الذي وافي معـي مايخونـي
اغليـك واحبـك واعـزك ولاالآم=
يامنيـتـي ياغايـتـي يافتـونـي
خطت يدي حبك على روس الاقلام=
القلـب ترجـم والمشاعردعونـي
حبك ملكني من بهامي ليـا الهـام=
ومشاعري في غيبتـك يرتجونـي
يالله عسى حزنك وهمـك للاعـدام=
حتى تعيش العمر فـرح وشجونـي
ان جيت طير الفرح في مهجتي حام=
وان غبت حارت دمعتي في عيوني
حبك نما داخل فؤادي مـن العـام=
من بعد مادعج النواعـس رمونـي
فرقاك هم وجفوتـك كنهـا السـام=
ولقياك كنـه ثالـث اعيـاد كونـي
يافرحـة الدنـيـا ويامنـبـعٍ دام=
ياديمـةٍ تـروي ظمايـه مزونـي
عن غيرك التفكير يامنيتـي شـام=
احـلام طيفـك ياحبيبـي يجونـي