منتديات بعد حيي - عرض مشاركة واحدة

اوسمتي · 10-11-2018, 05:56 AM

س/ من المسؤول عن شهرة مثل هؤلاء و إنتشارهم و إنتشار مقاطعهم ؟
امممم للأسف المتابعين ، فيه ناس تُحب تنشر كُل شي تقراه او تشاهده ، بغض النظر عن ادا كان
الشي دا مُفيد او لا ..
،
س/ إذا كنا جميعاً ننتقدهم كيف وصلت مشاهداتهم و متابعينهم إلى مئات الألوف ؟
امممممم لانو فيه بعض الناس انتقادهم مجرد كلام ، ينتقدوا بس بنفس الوقت
عندهم فضول يشوفوا كيف عايشين وَ كيف حياتهم ، وَ اللي ينتقدوا دول تلاقيهم اول ناس
يركضوا ورا الاعلانات وَ يدورا كود الخصم ... الخ .
،
س/ هل انت مع او ضد استخدام الصغار للهواتف الذكية و السوشل ميديا ؟
امممممم ضد الهواتف الذكيه ماراااا وَ ضد السوشل ميديا مراااات وَ مراااات
الله يرحم ايامنا افتكر ما صار عندي جوال الا لمن دخلت الجامعه وَ دحين بَ الابتدائي وَ معاهم يّ للأسف
،
س/ نسمع دائماً " المشاهير خربوا عيالنا " في هذه الحالة هل المشهور هو المسؤول عن الاطفال الذين يتابعونه
او الأسرة التي تركت الجوال بين يدي الطفل هي المسؤولة ؟
امممممم اللوم اولاً وَ اخيراً على الأسرة اللي أعطت الطفل جوال ، لانو المشاهير يبغوا زيادة عدد
مو موهيم هل محتواهم مفيد او لا ، هل محتواهم يناسب الأطفال او لا ، أهم شي عدد المتابعين يزيد ..
،
س/ هل تثق في المنتجات التي يتم الإعلان عنها من قِبل المشاهير ؟
اممممممم انا انسانه من يومي ما يعجبني شي قبل ما اشوفو على الطبيعه
على قولهم ما اشتري سمك بمويه ، يعني لو شوفت شي وَ عجبني متى ماحصلت
فرصه وَ نزلت السوق أشييك عليه ناسبني اوكيه ، ماناسبني اتركو ، بس فيه ناس يّ لطيف
والله كويس وَ الا مو كويس اهم شي انو اعلان المشهوره الفُلانيه وَ لازم نجربو
،
س/ مسـاحة حرة ..
اممممممم اعرف وحده عندها ولد بَ الروضه بس تديلو جوالها الموهيم انو يتابع
شخصيه مستفزه جداً جداً جداً << للأسف ما يحضرني اسمها ..
الولد قبل فتره اسمع منو كلمات غريبه وَ تصرفات همجيه ( عذراً على الكلمه )
اسأل امو اقولها سلامات كُل دا من الروضه ، قالت لا ، هوا يتابع واحد كوميدي على السناب
انا انصدمت لانو منّي شايفه اي كوميديه بَ الموضوع ، وَ الله مو شايفه الا انحطاط
بجد اللي سمعتو وَ شوفتو مالو مُسمى الا الانحطاط مع الاسف
وَ كتير زي دي الأم اهم شي الولد يُسكت عنها وَ مايزعجها وَ مو موهيم ايش يتعلم او يشوف ..
،
سنابات انصح فيها وَ بقوه << للصبايا
الدكتوره هند عنايه وَ أفكار
هيفاء سليمان
مشاعل الثمالي
عواطف أم صبا
أروى الضلعان
امممممم مومكن يكون فيه اكتر بس دول عن تجربه
قدوه لكل أُنثى ، أميرات وَ ليس مشهورات ( انا اسميهم كيدا ^_* )
لأنهم بَ اختصار ما يروحوا كارتيه وَ الشله اللي زيو وَ يصوروا ايش اشتروا ..
ما يروحوا مطاعم وَ بعد الأكل يصوروا الفاتوره بَ المبلغ الفُلاني ..
ما يروحوا السوق وَ يصوروا مبلغ الشراء على شاشة المحاسبة ..
ما يستعرضوا بَ اياديهم وَ اساورهم وقت التصوير ..
محتواهم جداً جداً جداً هادف الله يكثّر من أمثالهم
،
تخيلتك تناديني
يعطيك الف الف عافيه على طرحك الجميل
اتمنى يكون فيه وعيّ أكتر بخصوص المشاهير
أعتذر عن الإطالة << باين فضفضة وحده مقهورة
~