هلا والله بجميع اسود بعد حيي باستثناء((المقلقسين)) وسوف اقوم باصدار تعريف لهم كما نرحب بكافة ((سحالي))..بعد حيي...واخذ الموضوع ..اولا...بشي من الرحمة...وثانيا بكثر من المرح والدعابه

وبينما كنت جالسا..مرتديا لبسي المنزلي ...اللي هو تي شيرت من نوع ((فاخر))<<< حشى تمر...وبنطلون رياضي من ماركة((لوتو)) افخم الماركات العالمية ...مايلبسه الا ميسي وكريستيانو رونالدو و((مزيون حايل))...وانا اقول لكم لبسي علشان نبعد شبهة((الفنيلة والسروال)) اللي لاصقه فينا وقد كانت في السابق من لبس((الاباء والاجداد))..ورغم التغيير الا ان السحالي لازال لديهن هذا الفكر((البيزنطي)) عن اسود...المملكة...
نرجع لبينما كنت جالس....رفعت التي شيرت..وصرت افكر والعب((بسري))...والمشكلة اني اذا فكرت لازم العب بسري...وتعرضت لمواقف كثيرة اثناء الامتحانات لاني كل ماجيت افكر بمسألة بالاختبارات نمت على ظهري وطلعت سري وافكر...وكل شوي مسووين لي تفتيش بسري يحسبوني حاط((براشيم)) داخل..والناس انواع فيه اللي يحك راسه كنه مليان((قمل)) وفيه الا يحك خشمه((كنه جرس مدرس)) واحيانا يتعمق وينتقل من مرحلة الحك بالخشم الى مرحلة((..........)) وتكثر هذه الحركة عند السحالي

ااااايه...يقولون بعد انثى((يالليل ماطولك))...اثناء التفكير...جت عندي امي حفظها الله...وعلى طول قالت ياوليدي...لو عندك مره...وتزوجت مو احسن من انك جالس تلعب بسرك لين صار كنه حفر((ام القلبان))..وام القلبان لغير العارفين بها هي عبارة عن منتجع سياحي ..يرتاد اليها الزوار في الصيف والشتاء وهو المنافس الحقيقي لشاطئ((اغادير))...وقريب مرررره...ليش تسافرون برى وتتركون السياحة الداخلية

قلت يا يمه...ودي اتزوج لكن تعقدت يعني...وش اسوي السحالي اللي عندنا...اذا شفتي الوحده منهن..كاني شايف جدي الله يرحمه اللهم انهن اكثر سنون من جدي
ردت علي والدتي..وقالت...طيب وش المواصفات اللي تبي والملاحظات اللي عندك...طبعا كان((الملاس)) بيد امي ومهما قلت من الكلام فالخافي اعظم...لكن ابي اسرد معاناتي هنا ومعاناة كل اسود بعد حيي...وهذه المعاناة ارفقتها لامين عام ((مجلس دول التعاون الخليجي)) واللي كان سببها انضمام((المغرب والاردن))....فاهلا وهلا..بي النشميات والزوينات الكبيده والشحيمه
هي عموما ..ماهي مطالب اكثر من كونها ملاحظات..امنيات...بلياردو..كيرم...تنس ارضي....اي شي
وقبل ان اسرد رغباتي ومطالبي فانني اقول لكل اسد من اسود بعد حيي..انتبه..ثم انتبه...وعليك بالانتظار..فالخليجيات قادمات
فانك ان اخذت سحليه من السحالي الماثلات امامنا..فانك ستعاني التالي:
راح تتحول بشرتك الرايقه والصافيه والعذبه..الى مسافط متعدد وبيصير وجهك كنه((المدرج الروماني)).
قبل الزواج من بعض الناس...بتكون امك او اختك هي اللي تطبخ لك او انك بتكون من ربع((الوجبات السريعة))...وبعد الزواج بتشتاق لاكل امك او اختك..او ستبقى من رواد المطاعم...وانس الجريش والهريس وحبة الرز الطويل بنوعيها((المزه والعنبر))...واذا طبخت لك..فلن يتجاوز الابداع((بيض)) مقلي او مسلوق ولاتنسى تكثر الشطه
وتذكر ان امك بتكرر في كل 6 الاف حرمه..ربع حرمه..هذي احصائية من الاتحاد الدولي ((للركب السود)) هههههههههههههههههههههههههههه
.لن يتغير المنظر اليومي في الملابس وستبقى جلابية ام(25 ريال)) وعليها تخفيض وصارت بعشره ريال..وكانك شايف امك او جدتك...خصوصا مع الرسمات اللي على الجلابيات تقول لابسه صحن سلطه او ((تبوله))..خصوصا مع العشق الدائم..للون الاخضر وقتها بتحس ان المنتخب كل يومعنده مباراة.
ستسمع كل يوم عزيزي المغرر بك ... ((جب)) و((جب))..و((جب)) وخذ لن تسمعها الا اذا قالت((خذن لاهلي))...خذ اسطوانة الغاز وغيرها...تعال خذنا...خذ هالورقة وجب..يعني خذ هالورقة وجب فيها ..امرين...امر خذ..وهو امر راح يستملس جلدك عليه وجب امر متبلد حسك منه وكل الامرين ((منصوبين)) بالراتب الظاهر في اخر الشهر
اذا غرر بك وتزوجت... لابد من شغالة للبيت..يعني تخيل نفسك ساكن بشقة اذا دخلتها لازم تمشي بشويش علشان ماتخبط بالجدار من صغرها والهانم تبي شغالة...واذا هي موظفة..فلابد من طباخة...طبعا انت تدفع راتبها بينما هالطباخة مره عند امها ومره اختها فيها((شد عضل)) وتبيها اليوم وشهر مايرجعونه
الشعر يوم تدخل البيت..تحس نفسك كنك مر من جمب((طلحه)) او بقايا فيلا توها((مخلصه)) ومكومة شعرها...والعلك تسمع طقطقته وانت توك داخل الحاره تقول قطار ماسك خط
طبعا الكرام خصوصا اذا كان خواتها متجمعات...ولابد من اراقة الدماء ولازم مفطح....هذا اذا ماهو بوفيه مفتوح..فهي لازم تصير ازين من خواته...واذا رجعت للبيت بعد هذا الاجتماع المبارك وجت تسولف لك عن الليله...تبان بقايا البقدونس مع سنونها تقول ملعب ترابي وتوهم زارعينها بالعشب الطبيعي
الغسيل عزيزي الزوج...انس انها بتغسل لك شي...اصلا هي ماتعرف لاغسل ولاكوي لذا خل علاقتك بالمغسلة مستمرة ولا تغلط وتقول خلاص ماعاد بحتاج..انتبه..تراها بتكون اكبر غلطاتك

ثبت علميا ان 88% من السحالي راعيات((شخير)) ومسووين لهن هيئة((محترفات))..علشان كذا لازم كل نهاية شهر تمر على طبيب يسويلك تسليك ..اضافة الى انك لازم تمر كل ثلاثة شهور للسباك يشوف لك طبلة الاذن فيها تهريب ولا لازلت تتقبل شخير السحلية
((شطوب الرجلين))....لدرجة انك ممكن تترك الشقة وتسكن بشطوب رجلينه...بس ماعليك الا تاخذ الاثاث وبدون مكيفات لانه الهواء بيجي من كل مكان
مابي اطول عليكم...لكن مايستفاد من الموضوع اعلاه...اصبر شوي لين يوقعون الاتفاقية وينضمون الحبايب لدول مجلس التعاون وتاخذ خليجية من المغرب او الاردن....
وبهذه المناسبة نرفع ايات الشكر والامتنان لدول مجلس التعاون الحالية...للسماح للمغرب والاردن..بالانضمام لنا
نبي عاد ردودكم واقتراحاتكم...
وللسحالي..لابد من ان تتغيرن..فالخطر قادم
ههههههههههههههههههههههههههههههههههههه..

بس رغم كل شي...يالبى قلب((السعودية))
قبل الختام نبي نكتب تعريف المقلقسين:هم مجموعة من الاسود..لكن للاسف ينحازون للسحالي..اما راءفة بهن او محاولة كسب ودهن

ونلتقي قريبا بموضوع اخر.....


كتبه الفقير الى عفو ربه((مزيون حايل))