متواضعة اتمنى ان ترتقى الى ذائقتكم الشعريـة
قال المثل من خلقت الناس لنـاس=والكـل باللـي مايضيـع عبيـده
مثل خذيته لـي بدنيـاي نبـراس=طبعـن مورثـه الكبيـر لحفيـده
ان حس صدقاني من الوقت حساس=ودارة بهم دورات بقعـا الشديـده
وقفت معهم وقفتن تجلـي البـاس=وسعيت معهـم بالامـور المفيـده
الناس في وقت الملازيـم تنقـاس=ويضهر بها راع الفعـول الحميـده
والمسلم اليا حـل بخوانـه البـاس=يفـزع بمالـه وابحلالـه وبـيـده
الا لياما شفـت يابـدر الافـلاس=وتبينت في عينـي اشيـا عديـده
الصحبه اللي ماتعمر على سـاس=لو يلفحه صلـف الهبايـب يبيـده
يامدور الغرات ياصغيـر الـراس=شلناك وانته قبـل تحـت الحديـده
لاباس ياعصر المصاليـح لابـاس=اللـي خـذاه الوقـت لازم يعيـده
بكرا لنا ترجع ليا شفـت الايـاس=وعقب الطمع تصبح بحالن زهيـده
مامن غني غير الولي مجر الانفاس=امدبـرن خلقـه علـى مايريـده
والادمي لو يكنز اكنـوز الالمـاس=ان مانفعـه المعتـلـي ماتفـيـده
ناصر الذرفي