دارت بي الافكار واحييت ذكـراك=
يوم الهوى لاهب يطرق ذوايبـك
مرت بي الذكرى على قولتك هـاك=
خوذ القلم واكتب جدايـد عذايبـك
واقول ابكتب لك واعدد سجايـاك=
وتعيد وتكـرر ابسمـع طرايبـك
زمان كنـت بجانبـك دوم ويـاك=
ماعـدي الا واحـدٍ مـن قرايبـك
تر صاحبك ياصاحبـي ماتناسـاك=
لو انت ناسي ياحبيبـي حبايبـك
اول ادور عنـك وآدور والـقـاك=
واليوم يالمحبوب قفـت ركايبـك
ياوجد حالي كـل مامـر طريـاك=
من يوم انا طفلك وانا اليوم شايبك
سيرتك عطره ياعسى الرب ياقاك=
وادخل على الله كان بانت معايبك
ماغير دار الفكر واحييت ذكـراك=
والعلم بك من يوم قفـت ركايبـك