ياشقر الريش مثلك مايذل ويضام=

ولايخوفك لون الجو وبعد المطير

طير واكفخ بجوك يارفيق الكرام=

وهاك مرسول من قلبن شقاهـ المسير

بلغ صويحبي وان جيت دار العظام=

قلها صدري اوقد من لهيب السعير

هو يلآم المفارق بالعنا مايلآم=

والهواجيس لاصارت علي تستدير

والعيون التي جافت لذيذ المنام=

كل الايام عندي بين مر ومرير

بلغه لالفيته بالهموم الجسام=

وادري انه تعرف الهم شين خطير

ويل قلبي لاتذكرت معسول الكلام=

كل عرقن بقلبي يم قلبه يشـيـر

ويل حالي بعينه شفت حب وغرام=

صرت بالقلب مع نبضات قلبه خشير

قلها جونا ماهو بصافي كــتــأم!!=

والعروق انشفت وازريت ورد الغدير

ايه ياطير قلي بــعــد كـــل الــكـــلام=

لون وجهه تغير وش حصل؟ وش يصير؟

كانت عيت بردهـ رد لي بأحترام=

وكان جاتك ردودهـ جيبها لي وطير

في ديارهـ طلبتك زيد بعض الحيام=

وخل عينك عليها بعد ما تستخير

يمكن انه تبي ترسل لروحي سلام=

او يديها على ديرة حبيبه تـشـير