سكرعيونك عن خطااقرب قرايبك=لوجاك منهم مايكدر مزاجك

صبرك على غلطاتهم مايعذربك=سكر على غلطات ربعك سياجك

افتح لهم صدرك ووسع جوانبك=خلك مع الادنين طلقٍ حجاجك

لوجاك منهم مايغثرب مشاربك=اصبر وعند الله تلقى خراجك

افتل على عوج الرفاقه شواربك=وافتح لهم صدرك وحلقة سياجك

ولا تستمع للي بصبرك يعاتبك=ترى كثير الهرج يطفي سراجك

احذرتصيرسوات غصنٍ على الدبك=صلف الهبايب كل ماهب عاجك

وشيطان تفكيرك الياشد غاربك=ماله طبيب ومستحيلن علاجك

ادحر بليس وادبه قبل يدّبك=اكثح على شيطان فكرك عجاجك

ابليس ياطعته بالا سواق يجلبك=يرخص ثمن بيعك ويكسرزجاجك