آه تيماء عقب فرقاك فيها ضيق بال=والحزن خيّم عليها عقب شيخ الزحول
آه ياغبني على من يشيلون الثقال=وآه ياثقل المعاناة بانْصاف الحلول
وآه من فرقى هل المجد هامات الجبال=وآه من موت المطانيخ ورْجال الفعول
وآه من جرح الاجابه على هم السوال=واه من ليلٍ بهمّه على الفرحه يحول
وآه من طيف التلاقي على فكر الخيال=مانْعَرْف شلون نبدا ولا ندري شْنِقول
وآه من كثر الحسايف مع اوقات الزوال=لاتوشّحها غياب الذي قال ويطول
يابو فيصل آه فَقدك كِسَر صبر الرجال=وانهمر دمع الصناديد في اصدق نزول