خطـيت حـبـر الدم واوجـاعي اقـلام
واليـاس يـحـذفني على حفـرة الموت
ورسمت لوحة shouqبرياض الاحلام
واسم عزيز(ن) داخـل القلـب مـنـحوت
بـنـيـت لــه في قمــة الـمجــد اهــرام
واهديــت لــه مفتـاح بابــل مع الكوت
واصــبحت لــه آشـور مـع مملـكة رآم
ودعـيت له بالغيب كما صاحب الحوت
واهديت له الموصل مثل طلة الشام
اللي بشواطي دجلته سـحر هاروت
صحيح مـؤمـن ومطلبي عـز الاسـلام
لكن ضماني الشوق وفي صبرنا قوت
اشـتـاق لــه شــوق المـعنى لاأيـام
فيـها يـعبر نشـوة الـشوق بسـكوت
واصـبر وتالي الصبر آهـات والآم
من لوعة(ن) اخفيتها بسد مكبوت
وبنات فـكري طيرهن بالفضا حام
من بعد وقتٍ طال في نوم وسبوت
اســهر طـوال اللــيل والعـالم نـيام
والهم يذبح داخل القلب منبوت
ماعاد يشــغل خاطري هـرج لـوام
دام الثقة بالنفس والصدق مثبوت
هــذي كتابـاتـي شـخـابيـط واوهام
وخـيـال شـاسـع خـطتـه عدة بيوت
قـضـيت لــيلي بــين قـرآن وقـيام
توشـحن بـ الستر ياسامع الصوت
بقلم الشمريه المجهوله