اهلأً هلا بك عد مابـارق(ن) رف=
وعداد ما هـل السحـاب ابهتوفـه
ياضيف يامعـزب علينـا تشـرف=
خلك على كيفـك وحنـا ضيوفـه
في صدر مجلسنا يحيـك مختـف=
اهلاً هـلا حييـت قـرمً نشوفـه
خلك على مركـاك مامـن تكلـف=
وخلك على يسراك مامـن كلوفـه
ودلة الصفراء قبـل صبتـه شـف=
واقدع على هم الضمايـر تشوفـه
وسوق ابفناجيلك علينـا تغطـرف=
وثلث علينـا ثـم اذبـح خروفـه
هذا هوا ضيفي (زمان) التغجـرف!!=
وصار المعزب ما يثنـي احلوفـه
يامرحبـا حييـت مامـن تحسـف=
في مجلسي حييت مامـن حسوفـه
اكفخ بجنحان السعـد لا ترفـرف=
وش عاد لو يجدع على اراس طوفه
شفنا سنامك يـوم يطابـه الخـف=
ولى سنام المرجلـه مـن خفوفـه
راح زمان اللي عطانا على الكـف=
وجانا زمان يصفقـك فـي كفوفـه
وثبّت على راس نشامـى تخلـف=
مدري يطيح اراس وتبقـا كتوفـه !!