نص جديد
يمكن يحوز على رضاكم
ليلة وبان الشوق في عين مغليك=بالله كيف الوضع لوهي ليالي
ياغالية هذا ندا من يناديك=اللي يجر الصوت ماهو بخالي
من يوم رحتي والقصايد تغنيك=غصب على لو قلت ماني مبالي
أي والله أحبك ولآني بناسيك=ولآني بشعري ياغناتي خيالي
وشلون ماأحبك وفي البعد أحاتيك=وأنت الوفاء وأنت الغلاوالدلالي
حبي لك أكبر من قصيد يطريك=وفيه أفتخر مدامك أنتي حلالي
ماني بخايف نقد مدامي أغليك=حب على وضح النقاء راس مالي
لو لامني في الحب ناس تعاديك=ماوالله أسمع فيك ياأم العيالي
عشرة عمر ماهي سوالف (هلابيك)=وإلاسوالف زايفات الجمالي
طالبك لاتبطين عن عين مغليك=ليلة وبان الشوق كيف الليالي
فلاح العايد