البارحه شد الوتـر فكـر لـولاس=
صارت تقسـم حزنهـا لا نـداوي

اجراس فكري دقت الهم بأجـراس=
قامـت تهـز اطبولهـا بالعـزاوي

لاحت للي الدنيا توقد لهـا عمـاس=
وأترجع الراس المطمـن عـلاوي

والضيقه اللي زفرته بين الانفـاس=
تجذب شهيق النفس جدع البـلاوي

تطاء عروق القلب في حزة ادماس=
واتعيش فـي جـو اتبلـد خـلاوي

يعني كذا الايام في واقـع النـاس؟=
والا انا بـس الوحيـد الشقـاوي!

بالله جاوبني قبـل هـزة الـراس؟=
قلها ترى منت الوحيـد الجـلاوي!

يمكن يطيّب خاطري كذب الاحساس=
واعيش في واقع زمان الشكـاوي!

انخـاك ونخـوه تحـدك للافـلاس=
يرحم ابوك اليـوم مابـه نخـاوي

خذها على صدرك تجاريح الانجاس=
وخلك على نظـرة بعيـد الهقـاوي

يمكن يطيّب فزعتك عرق دسـاس=
ويمكن تشوف ابنظرتك يالعمـاوي