الــرمش طايح

للشاعر / عيادة الجهيلي

((10))

لاتسئلين الناس عنـي وانـا حـي=
ان مت قولي وش حصل في حياتـه
خلي هواجيس الغـلا تاخـذك فـي=
وتعيش بدموعك حزن من صفاتـه
في دنيتي ماشفت انا باالسماء ضي=
غيرك عكس نور القمـر ياغناتـه
ياللي عيونك من صفاها بهـا مـي=
والرمش طايح وان وقف هو عباته
وان سلهمت طير السماء صابه الغي=
حول عليهـا ومرهـا مـن حلاتـه
والخشم سيف(ن) جهزه خالقه لـي=
اموت به طعنة امـل مـن غلاتـه
والفم يدعيني وهـو مانطـق شـي=
لولو ورى ياحمود ضحكت شفاتـه
الشفه اللي فوق فيهـا اللحـم نـي=
مالامسـه روج القلـم مـن نباتـه
والشفه اللي تحت جرحه بقى بـي=
مالـت وعضتهـا قديـم امنياتـه